Pibale-bale ding Pusung Alang Kapaynawan, Dake 2
(Home of the Restless Hearts, Part 2)
“Balu kung marayu, marayu ing dalan.
Tandanan mu kabud, diwa kang kaladwa.
Ding makayatung kaplas, daratang la’t mamako.
Kukupas ya mu iti, lalabas ya mung palage.
Paynawa kang payapa, mayumung kaladwa,
Ing Ginu ipanglwalu na ka.
Ya ngan ing manibala king sabla.
Paynawa kang payapa, kayabe king pamalak
Na ngan yan.
E ka tatakut, ati ka karing gamat Na.”
~ Siddha, Dalit a meyangu king
“Metung a Bina-kabanayad a Sikanan”
***
“Ing Lagyu Ku at Aku metung la mu at e la aliwa”, ngana ning Ginu. Ding talaturu at ding banal a kasulatan sasabyan da, “Ding Nwan a Lagyu ning Ginu at ing Ginu metung la mu at e la aliwa.”
Makananu kung atagmwan ing kapayapan kanita? Nu ya karin ing santungan ku, nukarin ya ing pibale-bale ku? Ing Ginu gewa na ting asna kasaguli iti para kekatamu. O alang bale tao, taung mantun santungan, kunan me ing e mipaynawa mung pusu–ala kang paynawa, ala kang kapayapan kabud na’ng makirandam king Nwan nang Lagyu ning Ginu a manibatan karing dalise dang asbuk ding Kanakung dalise talasuyu at manuknangan ka kaniting alang kawangis a Nwan a Lagyu Ku.
Sumuku ka Kanaku. Sumuku king Ginu kapamilatan ning pamanyagana king Nwan a Lagyu king kekang isip, kekang pusu, king kekang dila at kaekang balubgug at paynawa ka Kaya. Paynawa ka Kaya.
Ing Ginu Ya ing lagyu Na. Paynawa Ka Kaya. Ipaynawa me ing alang kapaynawang pusu. Kabud ka mu sumuku king Ginu. Alang takut karing bitis nang a tukal ning Ginu. Alang takut uling iti ing pibale-bale mu. Ibye ku ngan ing sablang sagka ngana ning Ginu.
Tambing dela me ing kekang alang paynawang pusu at paynawa ining alang paynawang pusu, kabud m’ya paynawa ing pusu mu king Nwan na Lagyu ning Ginu. E mimisip king nanu mang bage. Kabud mu ngeni paynawa ku. Ngeni paynawa ku. King wakas makapaynawa ku Kanita aranasan mu ing kapayapan. Manibatan king kapayapang ini, padakal nang padakal-lakwas dakal king lugud, aliwa pang lupa ning kapayapan. Ing kapayapan a metung na pang lupa ning lugud para king Ginu.
Keni atin tune kapayapan. E ta akit ing tune kapayapan kapamilatan ning pamanudtud neng bengi. Ing pamanudtud neng bengi e na pagkalub ing tune kapayapan. Ing pamanudtud kabud e na bibye ing kapayapan. Ing pamaglasing e na bibye ing tune kapayapan. Ing tula karing panamdam e na bibye ing kapayapan a ninu man kaylangan na.
Makalabwad a lagyu, at kasikatan at ligaya pibandyan, malagung asawang babai o lalaki, alang tune makapagdala king kapayapan a pantunan tamu karing pusu tamu.
“Igale ya ing Nwan a Lagyu, igale ya ing Nwan a Lagyu, igale ya ing Nwan a Lagyu. Alang aliwang paralan, alang aliwang paralan alang aliwang paralan. King panaun ning gulu at kaligaligan ayti, alang aliwang paralan.”