Nagpulong ang BKD ng Cluster IV – Sangay ng Pampanga
The author is Teacher Efren A. Reyes Jr.
Noong ika-23 ng Hulyo, taong 2021 ay nagkaroon ng pagpupulong ang mga tagapayo ng organisasyong Barkada Kontra Droga ng buong Cluster IV na binunbuo ng Bacolor High School, Don Antonio Lee Chiuan Integrated School, Diosdado Macapagal High School, Don Jesus Gonzales High School, Gerry H. Rodriguez High School, Malino High School, Mexico National High School, Nicanor David Vergara High School, Potrero National High School, San Isidro High School (B.), San Isidro High School (SA), San Juan High School, Sta. Ana National High School, San Vicente Pilot School for Philippine Craftsmen, at Telesforo and Natividad Alfonso High School na mga paaralan mula sa mga bayan ng Bacolor, Mexico at Sta. Ana. Pinagtibay ang nasabing pagpupulong Division Memorandum No. 298, S. 2021 na naglalayong mas palakasin at paigtingin ang mga lokal na organisasyon ng bawat paaralan. Nilayon din sa pagpupulong ang makapaghalal ng isang kinatawan upang manguna sa buong cluster 4. Dahil dito ay nahalal si ginoong Efren A. Reyes Jr. ng San Juan High School bilang kanilang kinatawan. Samantala, noong nakaraang ika-12 ng Agosto 2021 ay naglabas ng Division Memorandum No. 341, S.2021 ang Sangay ng Pampanga upang magkaroon ng birtuwal na pagpupulong ang mga kinatawan ng bawat cluster ng dibisyon upang buuin ang mga plano ng mga isasagawang aktibidades. Ang pagpupulong ay naganap noong ika-1920 ng Agosto, 2021. Pinangunahan ang nasabing pagpupulong ni binibining Paula Meneses, ang pangkalahatang tagapagdaloy ng BKD sa Sangay ng Pampanga. Dahil sa kooperasyon ng bawat halal na kinatawan sa pitong klaster ay naging matagumpay at mabunga ang mga nasabing pagpupulong.