Panibagong pamamaraan ng enrolment
Raquel R. Coles
Ang Kagawaran ng Eduksasyon ay naghahanap ng mga paraan upang mapanatili ang proseso ng pag-aaral sa kabila ng mga hamon at kawalan ng katiyakan na idinulot ng COVID-19, habang pinapanatili ang kalusugan, kaligtasan, at kagalingan ng mga nag-aaral at guro. Ang edukasyon ay dapat na patuloy na magbigay ng pag-asa at mag-ambag sa normalisasyon ng mga aktibidad sa bansa at mapadali ang pag-unlad ng ating mga nag-aaral at ang pagpapanumbalik ng normalidad sa kanilang buhay, ayon sa opisyales ng Kagawaran. Ito ay dahil hindi pa tiyak at garantisado ang bakuna para sa lahat, kabilang ang mga batang nasa edad na mag-aaral. Ang regular na enrollment para sa SY 2021-2022 ay magsisimula sa Agosto 16 hanggang Setyembre 13, 2021. Inatasan din ang mga Opisina ng Rehiyon na pagbutihin ang pagpapatupad ng Basic Education-Learning Continuity Plan (BE-LCP), kasama ang pag-maximize ng paggamit ng DepEd TV at Radio-Based Instruction. Hinihikayat din ang pagbabalik ng mga nag-aaral na hindi nakapag enroll noong nakaraang taon, at tinitiyak ang pantay na pamamahagi ng workload ng mga guro na sumusunod sa pamantayang itinakda sa Magna Carta for Teachers. Inilabas na rin ng Kagawaran ng Edukasyon (DepEd) ang opisyal na Kalendaryo para sa SY 2021-2022 dahil nakatakdang ipatupad ang “blended learning” sa gitna ng pandaigdigang krisis sa kalusugan. Ayon sa DepEd Order 029, serye 2021, sisimulan ng DepEd ang SY 2021-2022 sa Setyembre 13, 2021, tulad ng dating naaprubahan ni Pangulong Rodrigo Roa Duterte, at magtatapos sa Hunyo 24, 2022, sa kabuuang 209 na araw ng pag-aaral, kasama na ng Sabado at ang limang araw na midyear break. Para sa mga pribadong paaralan at state o lokal na unibersidad at kolehiyo (SUCs / LUCs) na nag-aalok ng pangunahing edukasyon, pinayagan sila ng Kagawaran na magbukas ng mga klase sa loob ng awtorisadong panahon ng Republic Act No. 11480. Alinsunod sa mga patnubay, ang pagsasagawa ng mga klase ng harapan (face-toface classes), ay hindi pa rin papayagan maliban kung pinayagan ng Pangulo. Bilang paghahanda sa pagbubukas ng klase, magsasagawa ang mga paaralan ng Brigada Eskwela at Oplan Balik Eskwela (BE-OBE) upang ipaalam at palakasin ang partnership na umakma sa pagsisikap ng DepEd na matiyak ang kalidad ng pangunahing edukasyon.