GABAY BASA PARA SA BATA
The author is Teacher I at San Agustin Elementary School Arayat, Pampanga Eugene V. Lacsina
Alinsunod sa DepEd Order No. 173, S. 2019 – HAMON: BAWAT BATA BUMABASA (3Bs Iniative) sa mga pambublikong paaralang elementarya at sekondarya, ang Departamento ng Filipino sa Angeles City National High School ay patuloy ang pagsuporta sa pagpapatupad ng K to 12 Basic Education Program ng Kagawaran ng Edkuasyon. Kasama na rin dito ang pagbibigay ng kaganapan sa mandato ng DepEd na makapagtapos ang mga mag-aaral na may de-kalidad na edukasyong taglay ang mga mahahalaga at natutunang kasanayan tungo sa panghabambuhay na pagkatuto. Naging katuwang ng mga guro ang mga magulang sa kanilang tahanan na magkasamang binalikat ang obligasyon na ibinigay sa mga Grade 7 na mag-aaral ang edukasyon lalo pa’t sa panahon ng pandemya. Ang mga guro ang gumabay sa mga bata sa pagbasa sa pamamagitan ng video call via messenger, google meet o kaya naman ay via zoom. Samantala ang magulang naman ang gumabay sa mga bata sa kanilang tahanan sa pagbasa Sa pamamagitan nito ay naipagpatuloy ang programang 0 NON-READER PROGRAM ng Departamento ng Filipino ng paaralan na nakalaan sa mga mag-aaral sa Grade 7 alinsunod sa Programa ng PHIL-IRI ng paaralang ito na nakapaloob sa SIP ng paaralan na GABAY BASA PARA SA BATA na nagtagal ng anim na buwan simula Enero at nagtapos sa Hunyo ng Taong Panuruan 2020-2021. Nilayon ng programang Gabay Basa Para sa Bata ang: 1.Malinang ang kakayahan sa pagbasa ng mga mag-aaral sa Grade 7 bilang isa sa makro kasanayan at; 2.Makabasa nang may pang-unawa tungo sa pagkatutuo ang mga mag-aaral sa Grade 7. Bilang resulta ng programa sa kabuuang 1,233 na mag-aaral na kumuha ng PreTest, Zero (0) ang resulta ng mga Non-reader. 197 naman ang mga Frustration, 525 sa mga Instructional samantalang 511 naman ang mga Independent sa kabuuan. Matapos ang isinagawang pre-test sa mga Grade 7, dito na nagbigay ng interbensiyong babasahin ang mga guro sa pagpapatuloy ng programa. Sa pamamagitan ng mga online tutorial ngmga guro at paggabay ng mga magulang sa kanilang mga anak sa bahay ay matagumpay na naisagawa ang programa. Sa pagtatapos ng programa ang lahat ng mga mag-aaral sa Grade 7 ay naging Independent readers na. Patunay lamang nito na naging mabisa ang programang Gabay Basa Para sa Bata at naisakatuparan ang DepEd Order No. 173, S. 2019 – HAMON: BAWAT BATA BUMABASA pati na rin ang O Non-Reader Program ng paaralan.