Bakuna para sa Kabataan
Jane M. Asistido
Sisimulan na ngayong Oktubre ang pagbabakuna kontra COVID-19 sa mga tinatawag na general population at mga kabataan eded 12-17 taong gulang ayon kay Spokesperson Harry Roque. Nakatutuwang isipin na magkakaroon na ng panlaban sa sakit ang mga ordinaryong mamayan na walang karamdaman na kabilang sa Priority C at 1217 taong gulang kabataan.
Matapos maturukan ng mga nasa Priority Group A at B ay nilagdaan na nga ni Pangulong Duterte ang pagpapahintulot sa pagpapabakuna sa mga kabataan. Maaaring kahandaan na ito para sa pagbubukas ng face-to-face classes sa high school at tiyak na ikatutuwa ito ng maraming mga magulang at mag-aaral.
Nauna nang inaprubahan ng Food and Drug Administration ang emergency use ng COVID-19 vaccine ng Prizer at Moderna para sa mga may edad 12 pataas. Ang nasabing dalawang gamot ay parehong 95% ang efficacy rate nito sa mga asymptomatic. Sa kabilang banda ang nasabing mga vaccines ay parehong sinubukan sa mga batang edad 16 pataas at nakitang mabisa ito sa kabila ng pagkakaroon ng mild symptoms ng mga sumali sa trial. Kung ito ay ituturok sa mga kabataan 12-17 taong gulang gaano kaligtas ito para sa kanila? Kakayanin kaya nila ang epekto nito kung sakali? Kailangang siguraduhin muna ng Department of Health ang magiging epekto nito sa murang katawan ng mga bata bago ito iturok.
Para sa amin, kailangan ng mga bata ng proteksyon laban sa lumalaganap at lumalalang sitwasyon dahil sa COVID-19 sa buong mundo. Kailangan din nilang maging handa sa pandemyang ito dahil hindi pa alam kung hanggang kailan pa ang itatagal nito. Maganda ang plano ng gobyerno na maturukan na ang mga kabataan dahil magiging pananggalang na nila ito magkaroon ng malubhang sakit. Magiging kahandaan na rin nila ito sa pagharap sa face-to-face classes kung magkakaroon man. Sa pamamagitan nito mawawala ang agam-agam ng mga magulang na huwag papasukin ang mga anak nila sa kolehiyo lalo na kung personal silang pupunta sa paaralan. Makakapag-aral na sila ng maayos kaharap ang kanilang guro at mga kaklase. Dito mas matututo sila at maari na silang makipagsabayan sa larangan ng edukasyon. Mas magiging handa sila para sa kanilang kinabukasan at kahandaan sa kanilang buhay kolehiyo.
The author
--oOo-
is Teacher III at Crisanto Guysayko Memorail Elementary School, Nagcarkab District, Division of Laguna