Kahalagahan ng Teknolohiya sa Distance Learning
Binigyang-diin ng Kagawaran ng Edukasyon ang kahalagahan ng paggamit ng teknolohiya bilang bahagi ng bagong normal ng edukasyon.
Binanggit ng DepEd ang mga hakbangin ng gobyerno ng Pilipinas upang matiyak ang pagpapatuloy ng pag-aaral sa gitna ng pandemya, kabilang ang DepEd TV, DepEd Commons, at DepEd Radio.
Dahil walang face-to-face classes, kinailangang gumawa ng lahat ng paraan para maabot ang mga mag-aaral at maihatid ang pangunahing edukasyon sa kani l a.
Anang mga opisyales, sa pagma-master ng distance learning ngayon, ginagawa ang lahat ng kinakailangang pagpapabuti at pag-perpekto ng ating mga proseso para sa DepEd Commons, DepEd TV, DepEd Radio, DepEd Learning Management System, DepEd Mobile App, at iba pa.
Dagdag pa rito, binigyang-diin din nila ang kahalagahan ng Public Education Network (PEN), na magpapabilis sa digital connectivity ng lahat ng pampublikong paaralan at tanggapan ng DepEd sa buong bansa.
Sa network na ito, ang mga paaralan ay magiging connectivity hub para sa lahat ng sambahayan sa paligid nito upang ang mga nilalaman ay magagamit sa bawat mag-aaral sa komunidad kahit na walang internet bandwidth. Kung ang koneksyon na ito ay mapapalakas ang internet bandwidth, ito ay isang malaking hakbang pasulong.
Isang proyekto ng DepEd ang naglalayong i-update ang DepEd TV pagkatapos ng streaming services upang bigyang-daan ang mga magaaral na pag-aralan ang kanilang mga materyales sa pag-aaral sa kanilang sariling oras.
Samantala, sa usapin ng muling pag-iisip ng edukasyon sa bagong normal, ibinahagi ng mga opisyales na itinataguyod nila ang pagpapatuloy ng online at broadcast learning platforms pagkatapos ng pandemya dahil nananatiling isyu sa bansa ang kakulangan sa silid-aralan.
Sa ganitong uri ng interface, ang kurikulum sa edukasyon ay maaaring umangkop sa mga pangangailangan ng buong bansa at maging ng mundo. Pagkatapos, ang ating pangunahing edukasyon ay nagiging makabuluhan at mapagpalaya dahil ito ay nagsisilbi sa kung ano ang kailangan ng ating bansa.
*****
Ang may akda ay Teacher II sa Lagundi Elementary School