MGA PAGHAHANDA SA IMPLEMENTASYON NG HARAPANG PAGKAKLASE
Maureen L. Badulid
Naumpisahan na ang limitadong harapang pag kaklase o limited face to face sa ilang mga pampublikong mga paaralan sa Pampanga. Bawat guro ay abala sa paghahanda upang matiyak ang kaligtasan ng mga batang mag – aaral. Isang magandang adhikain ang maging ligtas ang pagbabalik ng mga mag – aaral sa paaralan. Layunin ng paghahanda ang mabigyan lahat ng mga mahahalagang tungkulin ang mga guro sa pagtiyak ng ligtas na pagtuturo sa darating na harapang pagkaklase. Sa oras na maaprubahan ang mga paaralan sa limited face to face, malaking tulong sa mga mag – aaral ang gawaing ito sa kanilang sariling pagkatuto. Maliban dito, lalo pa nilang mapapaunlad ang kanilang kakayahan sa pagkatuto sa ibat – ibang asignatura.
Bilang isang guro, ninanais ko na mabigyan ng magandang kinabukasan ang mga mag – aaral bagamat may pandemya parin sa ating bansa. Kaugnay ng mithiing ito ang paghahanda sa implementasyon ng harapang pagkaklase sa aming paaralan. Sa kasalukuyan, pinangunahan ng aming punungguro ang pagpapatupad ng mga programa at proyekto na makatutulong sa implementasyon ng harapang pagkaklase. Kabilang sa mga paghahanda ng aming paaralan ay ang paglilinis sa mga silid – aralan, paglalagay ng mga signages sa loob at labas ng mga silid – aralan upang mapanatili ang pagsusuot ng mga face mask, at pagpapanatili sa social distancing ng mga mag – aaral at mga magulang na bumibisita sa paaralan. Ang paglalagay ng mga thermal scanner upang matiyak na walang sintomas ng anumang lagnat ang sinumang papasok sa paaralan at paglalagay ng mga hand sanitizer o alcohol sa harapan ng mga silid – aralan ay kabilang rin sa mga kailangang ihanda ng paaralan. Kinakailangan din na maglagay ng mga reserbang face mask sa loob ng silid – aralan upang magamit sa oras na kailangan ng mga mag – aaral at magulang. Bukod dito, kailangan din na maghanda ng mga basurahan para sa nabubulok, di nabubulok at lalagyan para sa mga pinaggamitang mga facemask at iba bang PPE (Personal Protective Equipment).
Malaking bahagi ang ginagampanan ng bawat guro sa pagpapaunlad ng pagkatuto ng mga mag – aaral lalo na ngayong panahon ng pandemya. Isa sa mga mahalagang gampanin ng mga guro ang pagbibigay paalala hindi lamang sa mga magulang kundi pati na rin sa mga mag – aaral na patuloy parin ang pag –iingat kahit sila ay bakunado na. Para sa lahat ng mga magulang na pumayag sa limitadong harapang pagkaklase, kayo po ay hinikikayat na maging kabahagi ng ating paaralan sa pagbibigay ng matiwasay, mapayapa at maunlad na pag – aaral ng inyong mga anak. Ikaw na magulang, at ako na guro ay makiisa sa tagumpay at kaligtasan ng bawat bata. Abutin natin ang mga pangarap ng bawat batang Pilipino! Sulong mga mag – aaral, sulong para sa edukasyon!
The author
is Teacher
--oOo-
III at Sta. Barbara Elementary School Pampanga
- Bulaon, Division of