Alternatibo sa Pagkatuto
Marlon A. Canlas
Maliban sa ating kasulugan at ekonomiya, ang pag-aaral ng mga kabataan ay isa din sa matinding naapektuhan ng Pandemiya. Nagsara ang mga paaralan na kung saan ang mga mag-aaral ay napilitan mag-aral gamit ang iba’t ibang pamamaraan. Kabilang sa mga ito ay ang Online Teaching, printed module, radio based at marami pang iba.
Ang aming paaralang Angeles City National Trade School ay kabilang sa pampublikong paaralan sa Angeles City na nagbibigay ng kasanayan pagkatuto sa mag-aaral kagaya ng Cabinet Making, Cookery, Refrigeration and Air Conditioning, Welding at iba pang asignatura na may kinalaman sa Technical Vocational. Dahil dito kaming mga guro sa nasabing Departmento ay nagkaroon ng malaking suliranin kung paano naming maituturo ang aming asignatura sa aming mag-aaral dahil ito ay nangangailan ng aktuwal learning.
Isa pa sa mga kinaharap naming suliranin ay karamihan sa mga mag-aaral naming ay pumili ng Printed Module bilang paraan ng kanilang pagkatuto. Subalit bilang guro na nagnanais na matulungan ang aming mag-aaral lalo na sa panahon ng Pandemiya ay gumawa kami ng ibat-ibang alternatibo upang maging epektibo pa din ang kanilang pag-aaral.
Sa mga pumili ng Online Classes ay gumawa kami ng actual video lessons na nagpapakita ng kasanayan na may kinalaman sa Refrigeration and Air Conditioning. Maaring mahirap man subalit kapag nakikita ng mga mag-aaral ang aming pagpupursige ay lalo din silang nagsusumikap na matuto. Sa mga walang koneksyon naman ay dinagdagan naman larawan sa kanilang mga printed module na nagpapakita ng ibat-ibang kasanayan sa aming asignatura.
Maaring madaming binago ang pandemya sa larangan ng edukasyon subalit bilang guro kung lagi natin iisipin ang kapakanan ng ating mag-aaral ano man ang mga maging hamon ng buhay maraming alternatibong magagawa upang maipagpatuloy ang kinabukasan ng ating mga kabataan.
The author
is Teacher
--oOo-
II at Angeles City National Trade School