LINGKURANAN NEGUSYO SA MAY BASILICA

TUNGOD sa kadaghan sa mga manimbahay sa mga misa sa Basilica del Sto. Niño, maghuot ang mga tawo. Daghan kanila ang magbarog na lang sa karsada. Tungod niini, pipila ka mga manindahay nakakita og kahigayunan sa negusyo—pagpaabang og bangko.

Mga manimbahay nga di na makasulod sa compound sa simbahan padayon nga makasalmot sa misa bisan kon anaa kini gawas sa simbahan ginamit ang mga lingkoranan nga paabangan diha sa dalan.

Ang tibuok dalan atubangan sa simbahan giseraduhan ug maoy gibarugan sa mga tawo nga manimba nga di na makasulod sa Pilgrim Center.

Si Remidios Cuizon, usa ka manindahay sa Basilica sulod sa dugay na nga panahon, nakakita og laing paagi sa negosyo gawas sa iyang pagpaninda pinaagi sa pagpaabang og lingkoranan sa mga tawo nga mamarog sa karsada gawas sa compound sa simbahan.

Ang lingkoranan nga may sandiganan ug niadtong wala nga ginama sa plastik itanyag sa mga manimbahay bugti sa P10 matag usa.

Iya na kining gihimo sulod sa upat ka tuig samtang siya naninda sa simbahan.

Ang kita sa 40 ka buok niya ka mga lingkuranan, tungaon sa iyang canvasser nga iya ra usab nga mga kaila ug maoy moduol sa mga tawo nga nagbarug.

“Tunga mi. Maayo na lang nga aduna miy kita-on nga tag P20 ang matag usa namo sa canvasser. Kana og mahurot pag-abang sa mga tawo” matud pa ni Cuizon. Apan bisan ang panahon dunay epekto sa ilang negusyo. Kon adunay uwan , mohinay usab ang ilang negosyo ug way mangabang sa lingkoranan kay ang mga tawo mangita og daplin nga kapasilongan.