SOC GIHANGYO SA KONSEHO

GIHANGYO sa konseho sa dakbayan sa Talisay si Mayor Socrates Fernandez nga ipatuman na ang cease-and-desist order batok sa usa ka pribado nga merkado nga nahimutang pipila lang ka metros gikan sa kanhi merkado publiko sa Barangay Tabunok.

Sa special session sa konseho nga gipahigayon niadtong Huwebes ning semanaha, mga konsehal nga sakop sa administrasyon nipalabang og resolusyon nga nag-awhag usab sa mayor nga mandoan ang city legal officer nga ipatuman ang pagpalukat og building permit sa merkado nga gipanag-iya sa magtiayong Dr. Jesus ug Nieves Nacario.

Si Arturo Bas, public information officer sa kagamhanan sa Talisay, niingon nga angayan nga ipaepekto na ang cease-anddesist order batok sa Nacario Trade Center nga giluwatan sa mayor sa miaging tuig sanglit ang korte wala man momando sa kagamhanan sa siyudad nga dili ipasira ang pribadong merkado.

Sa nasayran, ang magtiayong Nacario nireklamo batok sa kagamhanan sa Talisay ngadto sa korte gumikan sa tinguha sa nahiuna nga patak-opan ang operasyon sa ilang pribadong merkado.

Si Bas niingon nga usa sa katuyoan nga gipalabang ang resolusyon mao ang pagpasira sa Nacario Trade Center aron matabangan ang mga negusyante nga tua maninda sa bag-ong merkado publi- ko nga nahimutang sa Barangay Lagtang.

Matod niya, ang mga manindahay sa Lagtang Public Market ningreklamo sa ilang kita gumikan sa presensiya sa ubang mga manindahay sa Nacario Trade Center nga namaligya usab og susamang produkto nga naa sa bag-ong merkado.

Atol sa special session, tulo sa mga konsehal nga pulos sakop sa oposisyon nga sila si Konsehal Danny Caballero, Romeo Villarante ug Val Ylanan ning-

supak sa pagpalabang sa maong resolusyon.

Si Ylanan sa pakighinabi sa Sun.star Su

perbalita kagahapon nipasabot nga wala sila mouyon sa resolusyon gumikan kay diha lang nila nadawat ang kopya niini atol sa pagsugod sa special session.

Iyang gipadayag nga kinahanglan pa nilang tun-an ug basahon og maayo ang resolusyon sa dili pa mouyon niini.

Siya nipatin-aw nga ang ilang pagsupak wa magpasabot nga wa sila magpakabana ug naglantaw sa kaayohan sa mga manindahay sa Lagtang Public Market.

“Kon naluoy ta sa mga naninda sa Lagtang, kinsa man sad ning mga tawo nga naninda sa Nacario, nga dili nato kaloyan, taga Talisay ra man sad na sila,” padayag sa maong konsehal.

Ang Sun.star Su

perbalita napakyas pagkuha sa habig sa magtiayong Nacario labot ning maong isyu.