Binay motabang sa nag-okupar sa 93-1 nga luna sa Kapitolyo
GITUMAN gyud ni Bise Presidente Jejomar Binay ang iyang saad nga motabang pagresolbar sa suliran nga naglambigit sa mga okupante ubos sa 931 Provincial Ordinance nga napakyas pagbayad sa ilang obligasyon ngadto sa kagamhanan sa lalawigan sa Sugbo.
Ang bise presidente dinhi sa Sugbo kagahapon ug usa sa mga pinasidunggan nga bisita sa kasaulogan sa ika-52 nga Charter Day sa dakbayan sa Toledo uban ni Gobernador Gwen Garcia ug 3rd District Congressman Pa- blo John Garcia.
Si Binay ningpataliwa sa isyu pinaagi sa National Housing Authority nga sakop sa Housing and Urban Development Coordinating Council diin siya gitudlo ni Presidente Noynoy Aquino isip chairman.
Iyang gibutyag nga gihikay na ang mga dokumento sa mga nagpuyo sa lot 93-1 ug sa mosunod nga mga adlaw magsugod na ang negosasyon bahin niini uban sa gobernador ug sa tabang ni Cebu City Mayor Michael Rama.
“Mag- uumpisa na kaming mag-usap ni Gov,” pahibawo sa bise presidente dihang nahinabi sa mga tigbalita didto sa Toledo City. Wa hinuon niya gitino ang kinatibukan nga dagan sa negosasyon sanglit managlahi ang gipangayo niini.
Si Binay nagpasalamat ni Garcia ug Rama sa tabang ug kooperasyon nga ilang gihatag aron mahatagan og kasulbaran ang maong isyu.
Ang bise presidente nangita og solusyon nga pulos makiangayon sa kagamhanan sa lalawigan sa Sugbo ug sa mga nagpuyo sa 93-1 nga napak- yas pagbayad sa ilang obligasyon. Susama og panahom usab ang gipadayag sa gobernador labot sa maong isyu.
Matod ni Garcia nga dunay mga beneficiaries nga nasakop sa urban poor samtang ang ubang mga okupante mga adunahan ug nakapatukod og mga dagkong establisemento sama sa restaurant ug bakery.
“The vice president has been very supportive and our thrust now is to find acceptable solution to both the beneficiaries and Cebu Province,” pahayag sa gobernador.
Si Garcia daan na nga nipasalig nga sa dili pa matapos ang iyang termino karong 2013, masulbad na ang isyu bahin sa 93-1.
Kahinumduman, si Binay nirekomendar sa kagamhanan sa siyudad sa Sugbo nga mohatag og P50 milyones isip “goodwill deposit” sa lalawigan aron mouyon kini pagbaligya sa pipila ka mga propriedad nga gipanagiya niini nga naa mahimutang ning dakbayan.