Lahugay sa MCPO gikatakdang ipatuman sa Enero 16

GIKATAHO nga dunay major revamp ang ipatuman sa Mandaue City Police Office (MCPO) karong Enero 16, 2012.

Nasayran nga kadaghanan sa naapektohan mao ang mga hepe sa mga station ug sa mga nagkadaiyang buhatan sa MCPO.

Si MCPO Director Sr. Supt. Noel Gillamac nipatawag og command conference kagahapon sa buntag miingon nga ang dakong revamp di tungod kay adunay mga salaud ang maong mga pulis, apan alang kini sa pagpalambo sa ilang mga abilidad ug kahibawo.

Dugang ni Gillamac nga buot niya nga ipangassign ang mga pulis sa ilang mga field of expertise, ug di usab siya buot nga pipila sa mga pulis ang matanggong sa usa lamang ka operasyon.

Sama nalang nila ni Insp Zosimo Jabas Jr., kinsa maoy hepe sa station 6, magbaylo sila og katung- danan Insp. Luis Alama kinsa deputy sa operations.

Matod ni Gillamac nga si Jabas, maayo sa information technology nga aspeto busa nga iyang ibutang sa operations.

Sila usab si Chief Insp. Jimmy Aguisanda ug Chief Insp. Siegfried Toribio lakip sa ma- revamp, diin si Aguisanda maoy hepe sa Traffic Management Unit.

Si Toribio mao na usab ang hepe sa supply. Alang kang Toribio ug Aguisanda, nga bisan unsa may buot ipatuman sa ilang pangu, basta alang sa kaayohan sa tanan, di sila magpanuko sa pagtuman niini.

Si Insp. Wilson Abot gikan sa Station-5 ngadto nasa Station-3 mag-ilis sila sa hepe usab sa station- 3 nga si Insp. Stephen Amamag-id, si Senior Insp. Rex Lomente sa IDMB adto na sa Station-4 si Chief Insp. Michael Anthony Bastes gikan sa intelligence ngadto na sa IDMB.