Angayan himoong sumbanan

GAWAS ni Tuburan Mayor Democrito “Aljon” Diamante, mora og wa may laing mayor sa Sugbo nga nagpakabana kon unsaon nga malikayan ang nahitabo sa dakbayan sa Cagayan de Oro, Iligan ug ning bag-o lang sa Compostela Valley sa Mindanao.

Aron ka protehi-an ang iyang mga molupyo, si - Mayor Diamante nanganti nga pakgangon ang mga

illegal quarrying ug ingon man kadtong illegal nga mamutol og kahoy sa iyang lungsod.

Siya makig-ayuda sa Department og Environment and Natural Resources (DENR) aron mahibalik og pagpanglabong ang kakahuyan ug niini makontrolar na unya ang pagsulyap sa baha ilabi na ning ting-ulan.

Ang pagpananom og mga fruit trees ug ingon man mga coffee maoy iyang hatagan og prayoridad aron sa samang higayon aduna usay kapanginabuhian ang mga kabus nilang mga molupyo.

Sa ato pa, duhay igo sa mayor ning maong proyekto – ang pagpakgang sa flash floods ug ang

livelihood program sa mga kabus. Ambot og ang uban nga mga lungsod nakahunahuna ba niini sa pag-implementar. Angay na gyud unta silang makat-on sa mga nahitabo ug dili nalang unta maghuwat pa nga adunay mga kinabuhi nga makalas tungod sa flash floods ug landslide.

Dinhi sa dakbayan sa Sugbo, di ka makalaom nga mahatagan ba og saktong atensiyon ang ingon aning problema ilabi na ang pagpalambo sa atong

drainage system aron ang grabing lunop malikayan. Kini tungod kay kon unsa man ang mga proyekto sa mayor nga bisan makaayo sa katawhan, kini sa konseho mahimo man nilang babagan.

Sa laktod nga pagkasulti, ang political interest maoy ilang gipasuabi bisan pa man og taliwala sa kalisdanan sa katawhan.