Pareho og apilyedo
Dear Atty. Joan,
Nakapamabdos ko og babaye sauna pero wala mi makasal kay nasuko man kaayo ang iyang amahan sa ako.
Ang ilang apelyido maoy gidala sa bata kay dili man mosugot iyang papa nga akong apelyido ang dad-on.
Gi-acknowledge nako ug gihatagan og support ang among anak bisan ug nagkabuwag na kami sa iyahang inahan. Nilayas ang akoang napamabdosan sa ilaha tungod di sila magkasinabot sa iyahang papa unya gibiyaan niya ang bata.
Hangtod karon, padayon ko nagsuporta sa bata ug nakaamgo ang lolo sa bata kay gipakita man jud nako nga wa ko magbinuang. Karon Atty. kay nihangyo ko sa papa sa akong uyab kung pwede bang ibalhin sa akong apelyido ang bata. Nisugot siya.
Ang akong pangutana Atty. mao ni. May niingon sa ako para dili lang daw dako gasto pagpabalhin kay ipa late registration lang daw nako ang bata.
Mahimo ba kana Atty.? Ang akong anak attorney wala pa man sad nabunyagan. Kung dili pwede to ang gisugyot nga late registration, unsa pa man ang lain nga pamaagi nga mabalhin ang apelyido sa bata sa akoa?
Kanang dili lang unta makagasto ug dako kay wa man pud ko sarang ikagasto kon dako na ang gastuhan. Ug bahin sa inahan sa bata sugot ra man siya nga ibalhin sa akoa apelyido ang bata.
Hinaot nga matambagan ko nimo Atty. Magpaabot ko sa imo tambag. Daghang salamat.
Jay