Mga karsada nga agian sa re-routing sa mga PUJ karon
MOPATUMAN og re-routing ang Cebu City Traffic Operations Management ug Traffic Patrol Group sa Cebu City Police Office sa mga sakyanan nga motadlas sa kadalanan gikan sa Capitol Site paingon sa Cebu City Sports Center agi sa Osmeña Blvd., sa dakbayan sa Sugbo karong adlawa subay sa pagpahigayon sa Sinulog sa Kabataan sa Lalawigan sa Sugbo 2012.
Sugod sa alas 12:00 sa udto hangtod matapos ang kalihukan, ang mga dyip pasaheroan nga dunay rota nga 03B kinahanglan nga moliko sa wala paingon sa F. Ramos St., dayon right turn sa Junquera St., liko sa tu’o sa Sanciangko St., left turn sa Osmeña Blvd., paingon sa ilang naandan nga rota dayon balik sa ilang point of origin.
Mga passenger jeep nga dunay rota nga 04B, 04D, 04E, 04H, 14D, 17B ug 17D kinahanglan nga molahos sa Gorordo Ave., turn right sa Gen. Maxilom Ave., left turn sa F. Ramos St., liko sa tu’o sa Junquera St., right turn sa dalan Sanciangko dayon paingon sa ilang destinasyon sa downtown area. Samtang ang mga PUJ nga 14D kinahanglan nga mo- turn left sa Colon St., liko sa tu’o sa Mabini St., right turn na usab sa V. Gullas St., balik sa ilang naandan nga rota dayon paingon sa ilang point of origin.
Ang mga PUJ nga dunay rota nga 14B ug 15, kinahanglan nga moliko sa wala sa Gov. Roa St., left turn na usab sa Maria Cristina St., right turn sa Juana Osmeña St., liko na usab sa tu’o sa Gen. Maxilom Ave., left turn sa F. Ramos St., right turn sa Junquera St., liko na usab sa tu’o sa Sanciangko St., dayon balik sa ilang naandan nga rota paingon sa downtown area.
Mga PUJ nga dunay rota nga 06B, 06C, 06D, 06E, 06F, 07B, 07C, 07D, 07E ug 07H kinahanglan nga molahos o mo-turn right sa V. Rama Ave., left turn sa N. Bacalso Ave., liko sa tu’o sa Osmeña Blvd., dayon balik sa ilang naandan nga rota paingon sa downtown area.
Ang mga PUJ nga dunay rota nga 12L ug 06H kinahanglan nga mo- turn right o molahos sa V. Rama Ave., left turn sa N. Bacalso Ave., liko na usab sa wala sa Osmeña Blvd., right turn sa N. Escario St., dayon balik sa ilang destinasyon.
Gikan sa North Area, ang mga rota nga 12L kinahanglan nga moliko sa wala sa Gorordo Ave., right turn sa Gen. Maxilom Ave., left turn sa F. Ramos St., right turn sa Junquera St., liko na usab sa tu’o sa P. del Rosario St., dayon balik sa ilang point of origin. Ang rota nga 06H kinahanglan nga molahos sa Gen. Maxilom Ave., left turn sa F. Ramos St., right turn paingon sa Junquera St., liko na usab sa tu’o sa P. del Rosario St. dayon tadlas sa N. Bacalso Ave., balik sa ilang point of origin.
Si Atty. Rafael Christopher Yap, executive officer sa Citom niawhag sa mga motorista ug mga drivers nga motuman sa mga traffic signs nga gipangmontar sa mga dapit diin gipatuman ang re-routing.