MAYWEATHER PRISOHON NA
IBALHOG na karong adlawa sa bilangguan sa Las Vegas ang kontrobersyal nga boksidor nga si American Floyd Mayweather Jr.
Niadtong Disyembre 21, si Mayweather mi- plead guilty sa kasong pagpamun-og ug harassment sa inahan sa iyang duha ka mga anak.
Si Mayweather, 34, magsul-ob sa standard-issue nga blue jumpsuit nga adunay mga letrsang CCDC ug orange nga tsinelas.
Isip usa ka high-profile inmate, si Mayweather ibuwag una sa laing 3,400 ka mga binilanggo sa mag-unang usa ka semana sa iyang 90 ka mga adlaw nga sestensiya.
Magpuyo siya sa usa ka selda nga adunay usa ka abli nga kasilyas, usa ka lababo ug usa sab ka gamayng higdanan nga layo ra gyud kaayo sa iyang naandan nga mansyon.
Ang pagkabilanggo ni Mayweather nakapalubog og maayo sa giplanong panagharong nila ni pound-for-pound champion Manny Pacquiao posible karon untang Mayo 5.
Tungod niini, si Pacquiao nangita na lang og laing kontrahon alang sa sunod niyang tahas.
Upat ang mga kandidato niini. Kini mao sila si Juan Manuel Marquez, Miguel Cotto, Lamont Peterson ug Timothy Bradley.
Apan alang ni Bob Arum, ang chief executive officer sa Top Rank Promotions, nga iya gihapong ipadayon ang negusasyon sa superfight tali ni Pacquiao ug Mayweather sa dihang mahuman na unya ang sentensiya sa nauwahi.
“Realistically, we figured out that the ideal time for a Manny fight against Mayweather will be in November,” matod niya.
Subay niini, alang usab kang Kevin Iole, ang sportswriter sa Yahoo! Sports, nga ang angay gyud kontrahon ni Pacquiao sa pagkakaron mao gyud si Bradley.
Matod niya nga si Bradley adunay estilo nga dili sinati ni Pacquiao.
“I want to see some new blood fight somebody else. I want to see Timothy Bradley a style that Manny hasn’t seen from before,” padayag ni Iole.
Gibutyag ni Arum nga ang sunod away ni Pacquiao adto ipahigayon sa Las Vegas ug i- broadcast sa HBO pay-per-view.