SuperBalita Cebu

Bayani nga botante

- ANOL MONGAYA

ANG masa mao ang tinuod nga bayani. Gipahinumd­oman ako niining panultihon nga una nakong nadunggan ug napruweba nga tinuod sa panahon sa Edsa 1 ug Edsa 2. Unod kini sa usa ka libro nga akong naukban panahon sa pagpanghip­os dihang padung kita sa pagsaulog sa Bag-ong Tuig.

Gipahinumd­oman ako nga ang masa o ang ordinaryon­g mga tawo mao mismo ang mga bayani sa mga kausaban ug dili kini nga dagkong lider.

Kadtong panahon sa mga malinawong pag-alsa sa katawhan sa Edsa 1 ug 2 pananglit, wa may mahimo ang mga lider sa protesta kon wala moduyog kanila ang bagang duot sa katawhan sa kasyudaran.

Maayo kining panaminan karong hapit na sab ang sunod-sunod nga pagsaulog sa maong mga pag-alsa labi na nga nagsingabo­t na ang umaabot nga piliay.

Ato na lang sab iapil sa pagpanamin kining Tres de Abril. Alang sa kadaghanan kanato labi na kining mga bag-ong tubo, wa na man gyud makatugkad sa kamahinung­danon niining Tres de Abril gawas nga dalan kini padulong sa Labangon.

Apan kaniadtong Tres de Abril sa tuig 1898, nag-abot diha sa eskina sa mga dalan nga naila na karon nga V. Rama ug Tres de Abril ang mga pwersa sa Katipunan nga gipanguloh­an ni Pantaleon Villegas o Leon Kilat ug ang mga Guardia Civil nga gipanguloh­an ni Capt. Joaquin Monfort.

Mao kini ang gitawag sab sa Sugbo nga panahon ni Mampor kay sa paglabay sa panahon, si Capt. Monfort nailhan na man lang nga Mampor.

Kini mao ang pag-alsa sa mga sakop sa Katipunan ug sulod sa usa ka semana, na- corner ang mga Katsila sa Fort San Pedro. Nasalbar lang sila dihang naabot ang mga re

inforcemen­t gikan sa Ilo-ilo. Si Leon Kilat ba lang ang bayani sa maong pag-alsa? O bayani ba ang tanang mga Sugboanon nga nisalmot sa maong kalihokan?

PILIAY

Wa man tuoy laing pag-alsa karon apan makaingon sab kita nga mahimong higayon ug paagi sa pag-usab sa hulagway sa atong katilingba­n kining umaabot nga piliay sa Mayo 13, 2013.

Ug, alang kanako, mahitabo kana kon ang mga ordinaryon­g mga botante moalsa ug tuyo nga molingkawa­s sa ilang kaugalingo­n gikan sa gawong sa giingong mga cabo sa mga karaang politiko.

Atong ipasabot nga ang mga botante nga mobarog sa ilang katungod nga mopili sa mga tarong nga kandidato ug mosalikway sa mga kurakot apan maoy giduso sa mga cabo ug sa partido.

Di man gud tanang mga giindurso sa lain-laing mga partido mga tarong nga kandidato ug angayan kining isalikway sa mga botante. Mao kini sila nga maingon nato nga kwarta ray dag-anan kay sa ilang kakurakot, wa na may lain pang paagi nga makadaog gawas sa pagpamalit og boto.

Alang kanako, kining mga botante nga mosalikway sa kwarta nga gipalit sa iyang boto ato gyud nga matawag nga bayani.

Ang maong aksyon di nato magantihan og mga award. Apan nasiguro ko nga ang matag botante nga niinsister nga mobotar sa mga tarong nga kandidato mas gaan ang kabubut-on ug mahimong malipayon.

Alang kanila, ang ganti mao mismo ang maayong pangagamha­nan sa sunod tulo ka tuig kay wa kita mosuporta og usa ka kurakot bahala nag subra ka adunahan.

Unsaon na lang kanang mga kandidato nga kwarta ray dag-anan.

 ??  ??

Newspapers in Cebuano

Newspapers from Philippines