Asa nagsugod ang Sinulog?
Ang Sinulog nagsugod isip celebratory ritual sa mga lumad sa Zubu (ang kanhi pangan sa Sugbo).
Gituohan nga ang mga migrante nga Malay gikan sa Borneo maoy unang nisayaw niini.
Ang maong ritwal inanay nga nausab sa paghiabot sa mga kastila niadtong Agusto 10, 1519, nga gipangulohan sa Portuguese explorer, Ferdinand Magellan.
Si Magellan giingong nasayup sa iyang direksyon sa paglawig sa kadagatan nga niresulta sa aksidenteng pagkadiskubre niya sa Pilipinas.
Ang maong expedition niabot sa Sugbo adlawng Dominggo, Abril 7, 1521. Nagsugod ang kristiyanismo dihang gipailaila ni Magellan ang gamayng rebolto ni Senyor Santo Nino isip gasa sa Espanya ngadto kang Haring Humabon ug Rayna Juana, ang mga nangulo sa mga molupyo niadto sa Sugbo.
Uban sa ilang mga ginsakpan, si Haring Humabon ug ang Rayna Juana ang mga unang gibunyagan ni Magellan isip Katoliko.
Ang maong imahen nahimong ampuanan isip manluluwas sa mga lumad. Ug sukad sa paghiabot sa batang Hesus, ang mga tawo nihangup ug niyukbo niini sa nagkadaiyang paagi. Ang pulong Sinulog gikan sa Cebuano adverb nga Sulog nga gihubad sa English nga “like water current movement,” maonang atrasabante ang sayaw sa Sinulog.
Ang sayaw nga Sinulog giingong gikan sa sinaligan ni Rajah Humabon nga si Baladhay.
Nagsugod ni dihang nasakit si Baladhay nga gikaguol pag-ayo ni Humabon. Gimandoan ni Humabon ang i yang mga ka-tribu nga dad- on si Baladhay sa kapilya, diin nahimutang ang balaang batang si Senyor Santo Niño.
Apan wa magdugay, mao na lay ilang nakit-an si Baladhay nga nisinggit ug lagsik na kaayong nagsayawsayaw.
Gipangutana si Baladhay kon nganong kalit siyang nagmata, ug diha-diha iyang gitudlo ang imahen ni Santo Niño nga naa ibabaw sa iyang ulohan nga mao kunoy namukaw niya.
Nisinggit siya sa kahadlok aron abugon ang bata apan wa siya kasabot nganong nisayaw siya sama sa sulog sa dagat. Hangtod karon, ang two-steps forward, ug one-step backward movement dance mao gihapoy gigamit sa mga deboto sa Santo Niño nga ritwal isip halad sa milagrusong bata.
Ang labing unang selebrasyon sa Sinulog nahitabo niadtong 1980 dihang pipila ka mga grupo sa mga tinun-an sa Sugbo ang nisayaw og Sinulog atol sa kapistahan sa Santo Nino. Hangtod nga nitubo ug nidako ug naila na karong inahan sa tanang festival sa Sugbo. Viva Pit Senyor!