Jueteng war
ANG National Bureau of Investigation (NBI) nagsusi sa anggulong away sa teritoryo sa jueteng isip posibleng motibo sa ‘shootout’ nga hinungdan sa kamatayon 13 ka mga tawo, lakip sa taas nga opisyal sa kapulisan, sa Atimonan, Quezon niadtong Enero 6. Dunay taho nga nagkanayon nga magkaatbang nga grupo ang nagaway sa kontrol sa operasyon sa jueteng sa Southern Luzon, diin ang nag-unang tumong sa engkuwentro maoy ang gialegar nga jueteng kingpin Vic Siman.