FLUVIAL, SOLEMN PROCESSION.
(1) Ingon sa di katagakan og dagom ang duha ka mga habig sa Osmeña blvd. tungod sa kabaga sa katawhan nga nangapil sa Solemn and Foot Procession. Nag-abot gud ang ikog ug ang ulo sa panon. (2) Pipila ka mga tawo nga nagwheelchair nagsakripisyo aron lang makaapil sa prosesyon. (3) Sila si Cebu City Mayor Michael ug Sinulog Foundation Inc. Executive Director Ricky Ballesteros maoy nangulo sa mga kawani ug opisyal sa dakbayan sa pag-apil sa prosesyon. (4-5) Nianang buntag, gipahigayon usab ang Fluvial Procession sa Mactan Channel. Way mga panghitabo nga nakabalda sa mao nga kalihukan hangtod nga nahuman ang prosesyon ug napahigayon ang reenactment sa unang bunyag diha sa Basilica del Sto. Niño. (6) Daghang mga sakyanan sa dagat ang nangapil sa Fluvial Procession. Sa kinatibuk-an, ang duha ka mga kalihukan malinawon nga nahuman.