Mga pari sa 8 ka kongregasyon sa 7 Palabras
HAN-AY na ang mga kalihukan sa Simbahang Katoliko sa Sugbo sa pag-obserba sa Semana Santa sunod semana.
Walo ka mga pari gikan sa nagkadaiyang kongregasyon ang gipili nga maoy mopaambit sa pamalandong sa Siete Palabras karong tuiga atol sa Biyernes Santo sa Cebu Metropolitan Cathedral sa dakbayan sa Sugbo.
Sa tradisyon sa Artsidyosesis sa Sugbo, naandan nga ang mga diocesan o secular priest maoy mohatag sa pamalandong ug pag-ampo sa matag Siete Palabras.
Si Salesian priest Randy Figuracion, seminary formator sa Don Bosco Formation Center, maoy mobukas sa tulo ka oras nga pamalandong nga sugdan alas 12:00 sa udto.
Sa unang pulong, “Amahan, pasaylo-a sila kay wala sila mahibalo sa ilang gibuhat,” si Padre Emilio Larlar Jr., sa Order of Augustinian Recollects.
Si Franciscan Priest Noniel Pe, sa San Vicente Ferrer, maoy mopaambit sa ikaduhang pulong, aron magkauban ka kanako sa paraiso.
Ang ikatulong pulong, “Babaye, tan-awa ang imong anak, Anak, tanawa ang imong inahan,” ipasabot ni San Roque Parish priest ug Claretian pastor Fr. Rolyn Vics.
Si Redemptorist Fa- ther Emerado Maningo, parochial vicar sa Our Mother of Perpetual Help Parish maoy mosunod sa ika-upat nga pulong, “Dios ko, Dios ko, nganong gibiyaan mo ako?”
Ang ikalimang pulong, “Giuhaw ako,” pagabatbaton ni Padre Rodrigo Salac sa Society of Divine Word kinsa parish priest usab sa St. Arnold Jansen Parish sa Alumnos Mambaling, ning siyudad.
Ang misyonaryo nga pari, Padre Benedicto Pelias sa Mission Society of the Philippines, maoy mamalandong sa ika-unom nga pulong, “Natapos na.”
Ang katapusang pu- long, “Amahan ko, sa imong mga kamot itugyan ko ang akong espiritu,” ipasabot ni Padre Jason Dy, Jesuit priest nga nagbase sa Archdiocesan Shrine of the Most Sacred Heart of Jesus.