Mga pulitiko andam mopirmag covenant
PULOS andam mopirma og peace covenant ang magkaatbang nga mga kandidato sa umaabot nga piniliay sa dakbayan sa Toledo.
Si incumbent Mayor Aurelio Espinosa ug kanhi senador John Henry “Sonny” Osmeña, magatbang sa pagka mayor, pulos mosuporta sa tinguha sa Commission on Elections nga makabot ang katuyoan sa covenant nga malikayan ang pagtumaw sa kasamok sa nagsingabot nga eleksiyon sa Mayo.
“No problem, I will sign. But let them first find the killers of our people,” niingon si Osmeña dihang nahinabi sa mga tigbalita kagahapon.
Atol sa 888 News Forum sa Marco Polo Plaza kagahapon, ang kanhi senador nipasangil nga dunay kalambigitan sa pulitika ang ulahing mga kaso sa pagpamatay sa Toledo City ug giingong way gibuhat ang kapu-
lisan sa pagsulbad niini.
Usa sa iyang gipasabot mao ang pagbanhigpatay sa iyang escort nga si Orencio Embralinag niadtong Pebrero human gikan nibayad og kuryente sa Cebu Electric Company (Cebeco) 3.
Ang Sun.Star Su
perbalita mitawag kang Toledo Police Chief Supt. Henry Biñas labot niini apan wa kini macontact.
Si Espinosa sa iyang habig namulong nga sud sa 20 ka tuig nga siya namayor sa siyudad, kanunay dunay pirmahan
nga peace covenant.
“Willing kaayo ko, no problem nako,” paambit niini sa buwag nga interview sa Sun.Star Superbalita.
Matod niya malinawon ang siyudad apan sa pagabot na ni Osmeña nasamok na kini.
“Siya ang nagdala og gubot,” pahayag ni Espinosa nga ang iyang gipasabot mao si Osmeña.
Igo lang niya gikatawan ang pasangil sa kanhi senador nga sila maoy nagpasiugda sa kasamok ug gikontrolar nila ang kapulisan sa Toledo City labi na ang hepe niini nga si Supt. Henry Biñas.
“Wala na gi- control tagsa ra gani ko makakita ana... He’s a lawyer. Dili na siya magpahilabot unya dili sad mi manghilabot,” dugang pa sa mayor.
Si Osmeña nidugang nga hangtod karon wala pa gituman ni Police Regional Office (PRO) 7 Director Chief Supt. Marcelo Garbo nga magbutang og policedetachment sa Toledo nga dunay 24 ka mga pulis nga dirikta mo- report ngadto sa heneral.