Cebu City mahimong `bikini city’: Mike

GIHULAGWAY ni Mayor Michael Rama nga mamahimong bikini city ang dakbayan sa Sugbo kon mapili pagbalik si Kongresista Tomas Osmeña pagkamayor sa 2013 elections.

Kini maoy reaction ni Rama sa giingong “Miss Gay” nga gipasiugdahan sa Bando Osmeña Pundok Kauswagan (BOPK) sa sityo Ulak niadtong Dominggo sa Barangay Basak Pardo nga gipahunong ni Kapitan Dave Tumulak.

Nahukman sa mga organizer nga himuon na lang nga variety show inay ipadayon ang nahiunang programa mao nga gitugotan na kini sa kapitan human siya giingong gikasab-an ni Osmeña nga iyang “bossing” kaniadto sa wa pa siya nitapon sa grupo ni Rama.

Ang Cebu City adunay ordinansa nga nagdili sa tanang mga pasundayag nga mag two-piece kun bikini.

“Ayaw na tawn ninyo pilia tawon. Mahu’g nag bikini city ang Cebu City,” matod pa ni Rama batok ni Osmeña dungan

sa pag-ingon nga masuko ang Simbahang Katoliko.

Dugang niya nga di unta angay buhaton ni Osmeña ang maong kalihukan sanglit usa siya ka kongresista nga maoy tighimo og balaod, dugang ni Rama.

Ang City Ordinance nga nagdili sa samang pasundayag naumol atol sa pagkamayor ni Osmeñ sa dakbayan sa Sugbo.

Si Osmeña nga nahin

abi sa Sun.Star Super

balita niingon nga dili tinuod nga adunay “bikini show” nga pagahimuon ang mga bayot kon di usa ka variety show isip pagsugat sa kapistahan sa lugar.

Kon gipahunong pa usab ni Tumulak ang disco, si Osmeña nay mangunay aron magpadayon ang kalingawan, dugang sa kanhi mayor.

Gihulagway ni Osmeña nga gipadako lang ang maong isyu sa pundok ni Rama nga mao sab ang iyang gipasanginlan sa nang- harass sa iyang mga supporter sa barangay Babag, Sawang Calero ug Inayawan, mga barangay nga kaalyado sa mayor.