Iro namusil sa iyang amo
AKSIDENTING napusilan sa usa ka iro sa Florida ang iyang amo nga nagmaneho sa sakyanan ug naigo sa paa.
Ang Highlands Today nitaho niadtong Lunes nga diha sud sa sakyanan ang caliber .380 pistol sa biktimang si Gregory Dale Lanier, 35, taga Sebring, Florida.
Matod ni Lanier nga diha sa sawog ang sakyanan ug tungod sa kalihok sa iyang iro, nasaghiran o napatiran ang armas ug nibuto.
“Lanier said he heard boom, saw smoke and felt a burning in his leg,” matod ni Sebring Police Commander Steve Carr . Wa dakpa sa mga pulis ang iro tungod kay di man kini mahimong kapasakaan og kaso.
Di kini unang higayon nga dunay iro nga namusil sa iyang amo.
Niadtong 2011, usa ka yellow Labrador gikan sa Utah ang nilayat sa 12-gauge shotgun ug nibuto ang 27 ka bala ngadto sa tiyan sa iyang amo.
Samtang pasakaan og kaso sa kapulisan sa Pennsylvania ang usa ka tawo tungod sa paghupot og armas human niya pusila ang kaugalingong tudlo aron pagtangtang sa iyang wedding ring.
Ang kapulisan sa Bradford niresponde alas 8:56 sa gabii niadtong Marso 2 sa usa ka balay nga gikatahong dunay tawo nga nagpusil sa kaugalingon niyang tudlo.
Pag-abot sa balay, nakit-an sa kapulisan si Alfredo Fortunato Malespini III, 31, usa ka lieutenant sa Federal Correctional InstitutionMcKean, nga nagkadugo gikan sa samad sa iyang walang kamot.
Ang The Bradford Era nitaho nga si Malespini, hubog nga niasoy sa kapulisan nga gusto niyang tangtangon ang iyang weeding ring apan nihuot na kini og maayo sa iyang tudlo.
Tungod kay nahutdan na siya sa tanang paagi aron matangtang ang singsing, nakahukom na lang siyang pusilon ang iyang tudlo.
Matod sa kapulisan nga nilampos gyud sa pagtangtang sa singsing si Malespini apan nabungkag sab ang iyang tudlo nga gipusil.
Gawas nga nasamdan, gidakop pa gyud si Malespini ug gipasakaan og kasong recklessly endangering another person, disorderly conduct ug pagpabuto sa armas sud sa city limits sa Bradford.