Baldado na

Dear Papa Joe, Ako si Jose, 24, taga Consolacion. Usa ka adlaw ana, may nakit-an ko nga babaye nga gwapa nga para nako nanag-atang og taxi kay gauwan man niadto. So, ang akong gibuhat kay niadto ko sa unahan ug nipara ko og taxi. Ako siyang gihapit ug nikanaug ko dungan sa pagsulti niya nga “Miss, ako gyud ning gipara para nimo.” Pwerte niyang lipaya kay dugay na sad siyang gabarog. Mao nga nag-ilaila sad mi. Pila ray istorya, manggawas na mi ug hangtud nagkauyab mi.

Malipayon ang among relasyon apan usa ka adlaw niana, nahibaw-an nako nga nadisgrasya ang bus nga iyang gisakyan pag-uli niya sa south ug naapektuhan ang iyang paglakaw kay nadaot iyang spinal column. Nabardado na siya ug di pa gani makaila. Nausab na sab ang iyang hit- sura. Daghan ang nagsulti nga mangita na lang daw ko og lain kay naa pay daghang mga babaye kuno apan maluoy ko niya. Sa laing bahin, unsa kaha kon ako sad ning padayunon? Makahimo pa ba kaha mi og pamilya? Matod pa sa akong mama nga andam ba ko nga moagak ug mogam anang bayhana hangtud sa hangtud? Mao kini ang akong problema. Palihug tambagi ko.

JOSE Jose, Kon reyalidad imong basehan, lisod kay dili lang ang pagamoma imong kabalak-an, kon dili hasta pa ang pinansyal. Apan kon gugma ang basehan, di na na mo- matter if magkapamilya pa mo or dili.

Kon nahigugma ka sa usa ka tawo, dili lang ang iyang hitsura niya ang basehan. Kay kon sa imo pa na nahitabo, malipay ba ka nga biyaan ka kay lahi na ka? Di ba, dili? Apan walay makabuot nimo kon ganahan ka mobiya. Apan di man sad sa ingnon nga mangita ka dayon no? Kay di na gugma imong tuyo. Apan ayaw lang kalimti imong gf kon naa kay matabang nga maayo kay may pinagsamahan man mo. Sa hamubo nga panahon, nalipay man sad ka. Apan sa dili pa ang tanan, mas maayo siguro nga ihangad kana sa langit ug iampo nga naay milagro nga moabot kaniya. Kana lang ug daghang salamat.

PAPA JOE