Chiz palahubog, arogante

BIRADA SA MGA GINIKANAN NI HEART

Nipadayag sa ilang dakong pagsupak karon ang mga ginikanan ni Heart Evangelista nga makasal ang ilang anak kang Sen. Francis “Chiz” Escudero.

Ang magtiayong Cecile ug Rey Ongpauco nagpatawag pa og presscon, diin ilang gihulagway ang senador nga arogante, way respeto sa ilang pamilya ug palahubog.

Nabalaka usab sila sa ilang nadungog nga dunay “strange habit” ang senador nga wa lang mahibaw-i sa publiko.

Matod ni Cecille nga imposibleng makasal si Chiz ug Heart sa simbahan kay ang annulment ni Chiz sa korte ra.

“Our family, including Heart, is Catholic, so we do not wish for Heart not to marry in the Catholic church,” dugang sa inahan sa aktres.

“Natatakot lang kami para kay Heart, dahil para sa amin hindi pa siya handa maging isang asawa ng isang politician na napakatanda sa kanya nang 16 years.”

Si Ongpauco nitug-an nga sa matag higayon nga mobisita si Chiz sa ilang balay kanunay ning nanimaho og alak ug nagbilangkad lang sa lingkuranan.

Matod usab sa amahan nga dugay na nilang wa makit-e si Heart kay wala na ni nagpuyo sa iyang condo.

“Alalang-alala na kami sa anak namin, and up to this time, Mr. Escudero has not even bothered and refuses to explain himself to us.

“Sinasabi ni Mr. Escudero na naiipit lang daw siya sa kalagitnaan nitong away-pamilya. Kasinungalingan ho iyon. Siya ang talagang puno’t dulo, ang pinanggagalingan ng problema naming pamilya ngayon.”

Sa interview sa newscast “24 Oras” niadtong Martes, si Escudero nipasabot nga dili siya ganahang manghilabot sa away ni Heart ug sa iyang mga ginikanan.

“Hindi ako showbiz. Hiwalay ang pulitika sa personal na buhay. Ayaw kong manghimasok sa hindi pagkakaunawaan sa pagitan ng anak at ng kanyang mga magulang,” matod ni Chiz.