USA KA PAMILYA, APIL SA MASUSO NAANGOL
USA ka pamilyahan nga luwan sa motorsiklo, lakip na sa usa ka masuso, nalamba sa karsada human nasaghiran sa armored car.
Atol niining pagsuwat, padayon nga giatiman sa mga mananambal sa ospital ang mga biktima nga sila si Dino Etcobanez, 32, drayber sa Honda XRM, lakip na ang iyang inahan nga si Remedios, 64, ug duha niys ka anak nga mga babaye nga sila si Hannah Yvonne, 5 ug Mikaela Sofia, walo pa ka buwan, taga Sityo Ibabaobarangay Basak, LapuLapu City.
Base sa nahipos nga impormasyon gikan sa Traffic Section sa LapuLapu City Police Office nga niadtong Lunes sa alas 3:15 sa hapon, ang pamilyang Etcobanez nagsubay sa dalan M.L. Quezon Highway sa dakbayan sa Lapu-Lapu gikan sa Brgy. Pajo paingon sa Brgy. Pusok.
Nagsunod ang armored car nga nagdala sa plate number TBE-962 nga gi- panag-iya sa Armortech International Transporter sa Barangay Kamagayan, dakbayan sa Sugbo.
Giila ang drayber sa armored car nga si Joseph Pendong , 29, security guard, taga-dakbayan sa Danao, Sugbo.
Giingong mi- overtake ang armored car kay nagdali si Pendong dihang nasaghiran ang nagdagan nga motorsiklo nga gisakyan sa mga biktima.
Tungod sa maong hitabo, nawala ang balance ni Etrcobanez hinungdan nga nasarasay dayon natumba sa eskena nga atbang sa city hall.
Gidali sila sa pagtabang sa mga sakop sa Emergency Rescue Unit Foundation (ERUF) nga nahay-ad sa kalsada ug pulos gidala sa Mactan Doctor’s Hospital.
Maayo na lang kay mihunong ug miunong si Pendong sa mga biktima.
Siya gibilanggo sa city holding cell sa kapulisan samtang ang armored vehicle kasamtangan nga gi- impound.