Tanod nga pusher nadakpan

BARANGAY tanod apan sa samang higayon usa ka level 3 nga drug pusher ang nasikop sa buy bust operation sa mga sakop sa Philippine Drug Enforcement Agency (PDEA-7) niadtong Martes sa hapon sa didto sa Barangay Poblacion, lungsod sa Cordova.

Gipusasan si Mario Inoc, 51, tanod sa nahis- gutang lugar ug nailang drug pusher human siya midunol sa usa ka pakiting shabu nga nagkanatidad sa P300 ngadto sa poseur buyer nga sakop sa PDEA-7.

Nakuhaan pa siyag laing lima ka pakiting shabu diha sa iyang possession nga gisulod sa bulsa human sa pagkasikop niini.

Si Intelligence Officer 2 (IO2) Jelou Anthony Paca, ang team leader, sa mga operatiba nga si Inoc, nabutang sa level 3 sa ilang listahan.

Matod pa niini nga makabaligya siyag drugas nga mo-abot sa P200 mil pesos ang kantidad matag semana.

Matod pa niini nga si Inoc, nadakpan na nila kaniadto, apan nakagawas sa bilango-an.

Gawas niini mag-atubang sab si Inoc, sa ka- song illegal possession of firearms.

Si Chief Insp. Alvin Balio, hepe sa Cordova Police Station, mikompirmar nga si Inoc, nakapatay sa iyang igsoon apan wala mopasakag kasong murder ang mga kabanay.

Sa laing bahin, usa ka Adonis Miñoza, 33, nasikop sa mga operatiba sa City Anti-Illegal Drugs Special Operation Task Force (CAIDSOTF) sa Cebu City Police Of- fice (CCPO) kagahapon sa buntag sa may Barangay Bacayan dakbayan sa Sugbu.

Si Miñoza, gireklamo sa ilang mga Barangay opisyal ingon man silingan nga maoy tinubdan sa drugs sa ilang lugar.

Upat ka mga pakite sa shbau ang nakuha sa iyang possesion atol sa buy but operation.

Gi-angkon hinuon niya nga nalambigita siya sa pagpamligyag drugas.