Pagpasuyop sa oil spill pasugdan dayon: PCG

GIAWHAG sa Philippine Coast Guard (PCG) ang napiling salvor company nga sugdan na ang pagsuyop sa otso mil ka litros nga oil o korudo karong semanaha aron dili kini makahatag og kadaot sa kinaiyahan nunot sa pagkalunod sa MV Maria Angelica Grace diha sa Cabahug wharf sa dakbayan sa Mandaue.

“The urgency of having it removed is very important. The threat to marine life due to the oil spill is still there as the 8,000 liters of diesel is still in the vessel,” matod ni Azcuna.

Nidugang si Azcuna nga ang Uni Orient Pearl Venture Incorporated aduna usay kapasidad sa pagkuha sa diesel ug sa cargo vessel sanglit accredited man gihapon kini sa PCG.

Kagahapon ang mga personnel sa Uni Orient Pearl Venture Incorporated nagsugod na sa pagpahigayon og survey sa nalunod nga vessel sa Cabahug wharf.

Human sa survey, usa ka comprehensive plan unsaon pag-suyop sa otso mil ka litros sa kurodo ug pagkuha sa nalunod nga cargo vessel.

Nunot sa comprehensive plan, matod ni Azcuna, mahibaw-an unya kon pila ka buwan ang ilang operation.

“Sila ray naay capability to determine kanus-a nila makuha ang vessel,” dugang ni Azcuna.

Gawas sa hulga sa marine life, gikinahanglan gyud nga makuha ang nalunod nga barko tungod kay ang tag-iya sa Cabahug wharf, nga si Hector Wong, mireklamo na usab nga apektado na ang ilang operation tungod kay ang mga barko nga modunggo unta sa ilang pantalan adto na hinuon kini sa lain modangop.

Ang gibutang nga PCG, nakakuha na’g 500 liters nga oil gikan sa nalunod nga cargo vessel.