At last I am graduation
okasyon USA sa sa mga kinabuhi di hikalimtang sa estudyante Usa ra ni mao ka adlaw, ang graduation. gani layo rang man na tulo ang ka seremonyas. oras ug mahu
natigom Apan ining ang nagkadaiyang tulo ka oras kasinatian sa usa ka-tinun-an sulod ug gawas sa tunghaan: mga katawa’g kalipay, mga pulaw’g tagpilaw sa pagtuon, mga paninguha sa pagbinuotan luyo sa mga tentasyon sa kabatan-on.
Ining tulo ka oras usab magbaha sa panumdoman sa mga malditong tinunan ang mga laag-laag, mga kiat-kiat, mga ibog-ibog
ug uyab-uyab, ang kinasingkasing nga kinopyahay, ang lunod-patayng barkadahay, ang mga adlawng way tugpahay. Labihan ang kalipay sa mga bugoy nga human sa pila katuig nga sakay-sakay lang sa pana
hon, at last I am graduation.
Ining tulo ka oras usab mahinumdoman sa tinun-an ang mga paninguha sa iyang mga ginikanan nga molampos siya sa pagtuon. Bahala’g inun-ona’g ginamos kada-adlaw basta makapaso lang si Dodong puhon.
Sige, habhab, ug ayaw’g binli’g sud-an si Mama kay dili kini niya ikasuko, magreporting baya ka karon og Florante at Laura. Mao tingali ni ang rason nganong makahilak gyud
ka kung graduation. Bisan ang pinakabugalbugalon nga tinun-an – siya nga labtiklabtikon ang strap sa
bra sa classmate nga gwapa – bisan kining bataa mo
tibi kung graduation na. Asa naman siya’g babaye nga sungog-sungogon ug binuangan aron matago lang ang iyang tinuorayng gibating paghigugma?
Ug nganong “Farewell” man gyud ni Raymond
Lauchengco ang himoong graduation song nga mosa
mot man hinuon ta’g tiyabaw ining kantaha? Tanawa ra gud ang chorus: “Farewell to you my friends / We’ll see each other again / Don’t cry because it’s not the end of everything.” Bisa’g ning-ingon na gani ang
kanta nga “don’t cry” mo- cry lang gihapon.
Utro pud ning “High School Life” ni Sharon Cuneta. Mao unta ni among kantahon pag- high school gradua
tion, apan maglisud ming mga lalaki og pa- cute sama ni Sharon. Ug di pud mapugngan ang mga bugalbugalon
nga ilisan ang lyrics. Kung sila ang pabut-on, mao ni
ang mahitabo: “Kay saya ng high school / Seven years sa high school / Di na mapapantayan.” Apan kung kining mga butanga ang makapahilak
sa kadaghanan inig- graduation, lahi ang akoa. Way hunong ang agas sa akong mga luha niadtong adlawa kay hugot kaayo akong sapatos nga baratohon. Ug ang akong barong gamay kaayo pagkatahi, mura’g may crisis sa panapton, body fit, mura’g blouse sa akong tiyo nga bayot.
Ug ang akong karsones nasobraan ka-baston, mubo kaayo nga daw may dakong lunop nga moabot. Ok ra unta’g nag-uwan, angayan tingali ko tan-awon, apan pwerte man gung inita niadtong panahona.
Aron paglingaw sa akong kaugalingon ug malimtan
ang kauwaw, gibalik-balik ko nalang og yawyaw ang
mga pulong: I am graduation, I am graduation now.