Nanghulga nga video ipakatap

Dear Atty. Joan,

Naay sigeg text nako nga number nga wa ma-register sa akong phonebook. Nagsige og panghudlat nga naa daw koy video unya ingon siya iyaha daw ipakatap sa Internet ug sa mga tawo. Unsa dapat nako buhaton aning tawhana?

Miss Cancer

Dear Miss Cancer,

Una sa tanan, pwede ka makig- coordinate sa NBI o uban pang intelligence task force aron mahibaw-an nimo kinsa ning tawhana. Lisod makig-away og kontra nga way nawong. Wa ka kahibawo kinsa imong bantayan.

Kon mahibaw-an nimo nga ang tawo nga nagsige og text nimo kanhi nimo uyab o bana ba kaha pwede nimo siyang ikiha og RA 9262 o Anti-Violence Against Women and Children (VAWC) tungod sa iyang paghasol kanimo nga posible makaingon og psychological o emotional

abuse. Kon di madala sa VAWC, pwede nimo siya ikiha og unjust vexation.

Ika-upat, pwede nimo siya hudlaton nga imo siyang ikiha og Anti-Photo and Video Voyeurism Law kon RA 9995, basin pa diay og mohunong siya. Ubos sa RA 9995, posible mapasakahan og kasong kreminal ang bisan kinsang mopakatap og litrato o video sa bisan kinsang tawo samtang ang maong tawo nagdahom nga naa siyay privacy. Ang mga gipakatap posibleng mga litrato

o video sa sekswal nga parte sa iyang lawas o sa maong tawo nga nakighilawas sa laing tawo/ babaye nga way pagtugot sa maong tawo.

Hinuon, kini mo- apply lamang kon sekswal ang nature sa maong mga litrato ug vid

eo. Kon ang iyang ipakatap kay video nimo nga nagkaon ra og ginamos, wa nay labot. Salamat sa imong pagtamod sa atong column diri sa Super B ug nanghinaut ko nga aduna kay nakutlo sa akong tambag.

Atty. Joan