GWEN GIPADAKOP SA SANDIGAN; DI TINUOD, MATOD SA ANAK

NIMANDO ang Sandiganbayan nga dakpon si suspended Cebu Governor Gwen Garcia human wa motunga sa gitakda nga arraignment kagahapon sa hapon sa kasong graft.

Si Garcia nga gisuspenso og unom ka buwan sukad atong Disyembre tungod sa abuse of authority, nag-atubang og graft case may kalambigitan sa pagpalit sa kagamhanan sa lalawigan sa Sugbo sa kontrobersiyal nga Balili property sa Barangay Tinaan, dakbayan sa Sugbo nga nagkantidad og P98.8 milyones.

Si Judge Teresita Diaz Baldoz maoy nimando pagluwat og arrest warrant batok kang Garcia human wa motambong sa pagbasa sa iyang kaso sa Sandiganbayan Sec- ond Division.

Ang mga manlalaban sa gisuspenso nga opisyal niklaro nga wala momando ang Sandiganbayan pagpadakop sa ilang kliyente.

“Please note that no warrant of arrest has been issued by the court so we do not expect any untoward incidents to happen.” padayag ni Atty. Cristina Codilla-Frasco, anak ni Garcia ug usa sa iyang mga abogado.

Si Atty. Tranquil Salvador, lead counsel ni Garcia, nitataw nga nimando lang ang korte sa presensiya sa iyang kliyente sa arraignment nga gisibog karong adlawa.

Siya nipasalig nga motambong ang suspended governor sa pagbasa unya sa kaso batok niini karong adlawa.

“We committed to bring her to- morrow (karong adlawa), so she will be there tomorrow (karong adlawa),” dason ni Salvador sa interview sa TV Patrol Central Visayas kagahapon.

Ang duha ka mga abugado nipasabot nga dunay nahiunang mga commitment sa Sugbo si Garcia labi na sa bukirang mga barangay sa Balamban.

Si Salvador niasoy nga ni- file sila og motion to defer arraignment aron maghangyo sa korte nga isibog ang pagbasa sa kaso sa ilang kliyente sa laing adlaw apan niadtong Martes sa gabii nadawat nila ang tubag nga nag- deny sa ilang hangyo.

Pagka sunod adlaw, nisang-at sila og motion for reconsideration apan giingong wa mohimo og aksiyon ang korte labot niini.