Panghinaut ni Magpale sa kaayohan ni Boboy

BISAN og mag-atbang sila sa pagpapili pagka bise gobernador sa umaabot nga piniliay, si Acting Governor Agnes Magpale nag-ampo alang sa dinalian nga kaayohan ni kanhi Danao City Vice Mayor Ramon “Boboy” Durano IV.

Si Durano nahilandig sa Cebu Doctor’s Hospital sa dakbayan sa Sugbo sugod niadtong Dominggo tungod sa giingong dehydration.

Matod ni Magpale nasubo siya sa nahitabo ni Boboy tungod kay paryente niya kini ug siya nanghinaut nga maayo na kini sa gihambin nga sakit.

“Of course, I’m sad because relative baya na nako. I’m praying for his speedy recovery. I wish him well,” namahayag ang acting governor dihang nahinabi sa mga tigbalita.

Si Boboy pag-umangkon ni Magpale ug anak ni Danao City Mayor Ramon “Boy” Durano Jr.,

Ang nahiuna nagpapili ubos sa One Cebu samtang ang acting governor ubos sa Bakud-Liberal Party coalition.

Si Kongresista Pablo John Garcia, gubernatorial candidate sa One Cebu, niasoy nga niarang-arang na ang kondisyon ug hapit na maayo gikan sa dehydration ang iyang running mate.

“I saw him just now and he’s doing very well. We also spoke to his doctor who said he’s recovering very well from his dehydration,” saysay niini sa text message sa Sun.Star Cebu.

Si Mayor Boy unang niklaro nga wala giatake og sakit sa kasingkasing ang iyang anak ug sa pribadong lawak kini naka- confine ug dili sa Intensive Care Unit.

Ang mga doctor nitambag sa vice gubernatorial candidate nga mopahuway una ug likayan ang pag[angampanya.