Trapik sa Fernan bridge miabot sa MEZ I

MIABOT ang linya sa mga motorista ngadto sa MEZ 1 sa Barangay Pusok, LapuLapu nga nag ung-ong sa tiilan sa Marcelo Fernan Bridge niadtong miaging gabii.

Tungod niini mimando gilayon ang hepe sa Lapu-Lapu City Traffic Management System, Frank Brazil sa pagpa- divert sa mga four wheel light vehicles ngadto sa unang taytayan nga mopaingon sa Mandaue City.

“Mi- slow down ang traffic sa dayong alas 7:00 sa gabii mao to nga milapas ang (linya) sa mga sakyanan sa MEPZ1,” tipik sa pama-

hayag ni Brazil sa dihang nahinabi sa Sun. Star Superbalita.

Matod pa ni Brazil nga ang mga dagkong sakyanan o truck mao ray kasamtangan nga gipaagi sa ikaduhang tulay nga manukad sa Lapu-Lapu paingon sa dakbayan sa Mandaue.

Iyang gitataw nga adunay paghinay sa dagan sa mga sakyanan tungod niadtong mga motorista nga dili mosubay sa single line sa dayong saka sa taytayan.

“Ato lang agdon ang sitwasyon diha sa new bridge kon mo- build up ang volume sa mga sakyanan ato ning ipang- divert,” dugang pa ni Brazil.

Nasayran nga ang lane nga nanukad sa Lapu-Lapu paingon sa Mandaue City ang kasamtangang gipasira sukad niadtong Martes sa hapon sulod sa 24 oras tungod sa pagayo sa duha ka expansion joints.

Ang ubang bahin sa lane bukas sa mga motorist gikan sa alas 6:00 sa buntag ngadto na sa alas 10:00 sa gabii, human sa maong oras isira na usab kini og balik aron sa pagtiwas sa nagpadayong asphalting.