Rafi, Dalaguete maghiusa sa pagtukod og tunghaan
NIPAHIGAYON ang Ramon Aboitiz Foundation Inc. (Rafi) og preconstruction meeting niadtong Marso 7 uban sa mga school administrator, opisyal sa barangay, mga opisyal sa Parent-Teacher Association officers sa barangays Balud ug Obong ug Dalaguete National High School (DNHS) ug Dalaguete Mayor Ronald Allan Cesante alang sa Gabaldon Restoration Project (GRP) ug High School Building Project (HSBP).
Ang pre-construction meeting maoy nisugod sa pagpatuman sa GRP diin makabenepisyo niini ang mga tinun-an sa elementarya sa Balud ug Obong u gang HSBP matagamtam kini sa Dalaguete NHS. Ang duha ka proyekto gitumong sa pagpalambo sa kalidad sa edukasyon.
Mosentro ang GRP sa “rehabilitation, protection and conservation” ning usa ka dekadang Gabaldon building nga anaa sa lalawigan. Sa samang kalambuan, ang HSBP motubag sa kakuwang sa mga tung- haan sa mga publikong tunghaan pinaagi sa pagtukod og duha ka andana diin unom ka kwarto nga building sa mga dapit nga kuwang sa classroom nga anaa sa record sa Department of Education (DepEd).
Ang Rafi, lokal ng kagamhanan sa Dalaguete, lalawigan sa Sugbo ug Dep-Ed Cebu Province Division nipirmag kasabutan alang sa naasoyng proyekto niadtong Pebrero 15.
Sa iyang bahin, si Mayor Cesante niawhag sa mga nalambigit sa proyekto nga nitambong sa kalihukan nga manginlabo aron ang gikinahanglan sa edukasyon kahatagan og solusyon.
Ning pagpahigayon sa duha ka mga proyekto, ang mga magtutudlo, ginikanan ug ang mga opisyal sa barangay maoy mag- monitor sa kalambuan sa pagpalambo ug pagtukod uban sa pagseguro nga anaa sa maayong kamot ang mga materyales nga gamitunon niini.