Isda nga mokaog itlog sa tawo nadakpan
ANG Pacu, nga nailang “testicle-eating fish”, nga daw sama sa piranha nga may postiso ug gikataho nga nagpakita didto sa Denmark ug France ngadto sa Illinois ug New Jersey.
Karon, usa ka tigbasa ang nipakita og pacu nga nabingwit sa usa ka lake niadtong milabayng buwan duol sa Seattle, Washington.
Ang isda nakuha sa usa ka mananagat sa Lake Ki sakop sa lungsod sa Marysville diin kini nga Pacu nga may sukod nga 17 ka pulgada ang gitas-on.
Kini nga isda gibutang sa lake dihang nidako kini human gibutang sa tanke, matod ni Jeff Holmes sa Washington Fish and Wildlife. Ang Pacu kusog nga motubo ug ang gidak-on niini moabot sa upat ka tiil unya kadtong di ganahan buot nilang ibutang sila sa mga tab-ang nga tubig.
“There’s been a trend on that happening in the past,” matod ni Holmes. “We’ve had other Pacu and Piranha dumped into lakes in that same area.”
Di lang sa Seattle kini nakuha apan may mga taho nga ang Pacu nabingwit sab sa Arizona, Colorado, California, Arkansa, Texas, Alabama, Idaho, Indiana, Massachusetts, Maine, Mississipi, Virginia, Oklahoma, Utah, Wisconsin, Wyoming ug sa ubang mga dapit. Pipila kanila gipasagdahan na sa mga tag-iya kay din a sila gusto moatiman niini.
Ang problema niini, ang isda mohatag og kakuyaw sa mga manglangoyay. Bisan ang Pacu usa ka vegetarian, aduna silay dagko nga bag-ang ug kusgan ang apapangig nga diin makaabli kini gahi nga bunga sa kahoy, mokaon usab silag gagmayng isda. Gani, gikataho nga mokaon usab silag itlog sa tawo, nga niresulta nga duha ka mga mananagat sa New Guinea nga namatay nunot kay nahutdan og dugo.
Matod ni Holmes nga ang pagdan-ok sa mga isda sa Pacu maoy problema sa Washington Fish and Wildlife Department diin aduna silay Marysville Pacu apan gihimo ni nilang educational tool aron tudloan ang mga residente sa kapeligro nga klase sa isda.