Claudine gitubag ang tanang isyu batok niya

NIATUBANG si Claudine Barretto kauban ang iyang abogadong si Ferdinand Topacio sa usa ka press conference gahapon sa udto sa Rembrandt Hotel sa Quezon City.

Matod sa abugado, “ire-rebutt” lang nila ang mga alegasyon sa kampo ni Raymart Santiago nga kuno adik ang iyang kliyente.

Kauban sad nga niabot ni Claudine ang iyang amahan nga si Miguel Barretto.

Sa Powerpoint presentation nga ilang giandam alang sa press, gipakita ni Atty. Topacio nga ang giturok sa aktres sa iyang bukton usa ka Gerovital H3, usa ka matang sa anti-aging drug. Sukwahi sa gipasiatab ni Raymart nga drug dependent ang iyang Misis.

Depensa ni Topacio nga hinimohimo lang ni Raymart ang iyang mga ebidensya aron pakauwawan ang aktres. Ug nagpamatuod lang kuno ni kon unsang matang nga pagkatawo si Raymart.

Matod usab ni Topacio nga imposible ang gisulti sa aktor nga battered husband siya kay usa ka action star ug Krav Maga expert si Raymart.

Nipaubos na usab og blood tests si Claudine ug puros kuno negatibo sa mga ginadiling druga ang aktres.

Si Claudine, sa laing bahin, nagkanayon nga nasayud siya kon asa na nagsugod nang estoryaha nga drug dependent siya “pero I‘d rather not comment na lang.”

Dugang usab ni Claudine: “It‘s hard for an actress to undergo drug tests. It‘s very humiliating.”

Sa relasyon niya karon sa iyang mga igsuong Gretchen ug Marjorie, ang birada ni Claudine: “Like I said, hindi ko na sila pamilya. And sana palitan na rin nila ang apelyido nila.”

Ug sa dihang gipangutana sa media ang amahan nga si Miguel Barretto kon asa kaha siya nasayup taliwa sa kontrobersiyang giatubang karon sa iyang mga anak, ang iyang tubag, “It‘s either we are bad parents, kami ni Mommy, or we had bad children.”