Native tree nursery gipalambo sa Rafi

ANG Native Trees Nursery of Ramon Aboitiz Foundation Inc. (Rafi) buot nga mahimong usa ka dapit nga mapalambo ang endemic trees o mga nitibong binhi sa kahoy sa Pilipinas lakip sa paghimong dapit nga makakat-on ang mga tinun-an ug mga propisyonal bahin sa pagpanalipod ug pagpalambo sa kinaiyahan.

Sulod na sa pipila ka tuig, ang RAFI nursery nakadawat na og mga pasidungog gikan sa nagkalainlaing ahensiya lakip sa Department of Environment and Natural Resources.

Sa Marso 2013, ang 8,000 sq. m. nursery dunay 185 ka nitibong tree species nga dunay kinatibuk-an seedling nga 125,873. Ang propagation process sa nursery nagdepense sa mga liso o binhi.

Lakip sa maong species mao ang binhi sa tsa, puso-puso, lanutan, amugis ug sambolauan, malaruhat, bakan, kulatingan, nato, banilad, ug malabakhaw. Makuha kini sa nursery sa tibuok tuig.

Ang mamuwak nga kahoy magdepende sa matag per specie. Ang dipterocarp species, pananglitan, mohatag og buwak kausa sa pito ka tuig. Ang ehemplo sa Pilipinas mao ang mahogany group, nga naglakip sa hite lauan, red lauan, mayapis, apitong, palosapis, narig, quisumbing, gisok, almon, yakal, yakal-malibato, guijo, manggachapui, mangasinoro, ug yakal-kaliot. Maokini best-sellers sa nursery.

Ubang best-selling seedlings naglakip sa kaningag (naila sa Sugbo nga cinnamon, diin dinhi lang makita); narra; molave; ug ubang mahalon nga gahing kahoy, mga prutas sama sa nangka, guyabano, ug caimito nga nalinya sa dipterocarp species.

Sa pagkakaron, ang RAFI’s Native Tree Nursery nagpaabot sa site development plan nga magsugod sa iyang renobasyon aron paghatag og igong koleksyon sa dugang species sa nursery.

Sa dugang kasayoran sa RAFI’s Native Tree Nursery, makontak kini sa 418-7234 loc. 515 ug pangitaa si Neña Okay, o bisita sa www.rafi.org. ph. (PR)