Fajardo ganahan sa iyang blonde hair
GISUGDAN sa Sugbuanong si Junemar Fajardo ang semi-finals sa Philippine Basketball Association (PBA) Governor’s Cup pinaagi sa bag-o niyang tupi nga buhok nga adunay kolor nga blonde.
Gipasabot sa produkto sa University of Cebu (UC) Webmasters nga ganahan siya sa kolor nga blonde ug mao kini hinungdan nga maayo siyang nakaduwa.
“Hindi naman kasi bawal eh. Ito talaga yung gusto kong kulay,” batbat ni Fajardo sa interbyu sa InterAKTV.
Sa bag-o niyang pamay-ong, nakamugna og
15 puntos ug 17 rebounds si Fajardo aron tabangan ang Petron Blaze Boosters nga mabuntog ang Rain or Shine Elasto Painters, 91-83, sa Game 1
sa ilang best-of-five series.
Nahimo kini sa lumad nga taga Pinamungajan, Cebu batok sa depensa sa Extra Rice, Inc. frontline nila ni Beau Belga ug JR Quinahan.
“Focus lang ako sa laro. Kailangan hindi ka mapikon at saka nasanay na ako sa physical game,” dugang ni Fajardo.
Gipasabot sa 6’10” nga higante nga kon magul-anon siya, ang iyang buhok maoy iyang pahimungtan sama sab sa uban.
“Kapag na-de- depress ako, buhok ang napag- di- diskitahan ko, eh walang ibang magawa,” dason ni Fajardo.
Apan nabalaka siya nga dili makauyon sa bag-o niyang buhok ang iyang inahan.
“Kapag umuwi ako sa probinsya, babaguhin ko na. Papaitim ko ito, kasi baka hindi ako papasukin ni Mama sa bahay,” pagtino ni Fajardo.