CESAFI NALUPIG SA KASO
Apan di gihapon makaduwa si Aying Kaso ipasaka sa Court of Appeals
MIDAOG ang kampo ni University of San Carlos (USC) Baby Warrior Scott Aying sa kaso sa korte batok sa Cebu Schools Athletic Foundation Inc. (CESAFI).
Human sa dul-an sa duha ka mga semana nga pagtimbang-timbang, si Judge Simeon P. Dumdum Jr. sa Regional Trial Court nipakanaog og hukom ug nimando sa Cesafi nga paduwaon na si Aying sa Cesafi high school division.
Giuswag sa Cesafi sa wala pa matino nga petsa ang pagpadayon sa
high school division semi-finals diin nasulod ang USC Baby Warriors.
Apan ang kampo sa Cesafi nipasabot nga wala gihapo’y kaseguroan kon kanus-a mabalik ang aksyon sa
high school division kay ilaha mang ipasaka ang kaso sa court of appeals. “We will elevate this case to the Court of Appeals. We want this to be settled first because this is very important to the Cesafi with regards to the rules of the league,” matod ni Atty. Baldomero Estenzo, Cesafi lawyer.
“Definitely dili gihapon maresume ang games.” Si Aying gi- disqualify sa screening committee pinangulohan ni Cesafi commissioner Felix Tiukinhoy sa rason nga nakasupak kini sa two-year residency rule sa liga. Ang patarakan sa Cesafi nagsaad nga ang bisan kinsang magduduwa sa usa ka Cesafi member school nga mobalhin sa laing Cesafi member
school kinahanglang moagi og twoyear residency.
Ang ginikanan ni Aying nga sila si ex-PBA Danilo ug Avah Michelle mingsupak sa desisyon sa Cesafi sa rason nga gikan sa San Beda sa Manila nagduwa ang ilang anak sa miaging tuig ug dili sa usa ka member school.
Apan nasuta sa Cesafi nga niadtong 2011 nagduwa si Aying sa Don Bosco Technological Center (DBTC) Baby Greywolves, usa ka Cesafi
member school, hinungdan nga nadisqualify kini.
Ang kampo ni Aying nakakuha og Temporary Restraining Order (TRO) gikan sa korte aron paduwaon na ang ilang anak sa semi-finals ug nahitabo ang kasamok tali sa duha ka mga kampo.
Niining puntoha nakadesisyon ang Cesafi nga iuswag lang una ang mga duwa sa wala’y klarong petsa hangtod masulbad kini nga kaso.