Ginuo ang nagbuot- JMM
NAGTUO si Mexican Juan Manuel Marquez nga adunay kalambigitan ang Kahitas-an sa iyang impresibong 6th round knockout nga kadaugan batok kang Filipino
8-time world champion Manny Pacquiao niadtong Diyembre sa miaging tuig.
Sa gikonsiderar nga labing dakong away sa tuig 2012, brutal nga gi- knockout ni Marquez si Pacquiao sa nahabiling usa ka segundo sa 6th round sa ikaupat nilang panagharong.
Sa nag-unang tulo ka mga away, midaog og kaduha si Pacquiao pinaagi sa desisyon samtang natabla ang usa apan tanan pulos kontrobersyal.
“It was great. The best thing that has ever happened to me in this sport,” batbat ni Marquez sa usa ka episode sa HBO reality series “24/7” nga gi- qoute sa RingTV. “I believe in divine justice. This fight is proof that it is real.”
Batbat ni Marquez nga ang Ginuo maoy naghatag kaniya og pamaagi aron makamugna og sama niadto ka impresibong kadaugan batok sa kanhi poundforchampion. “To win the way that I did, it’s like God gave me a way to do it,” dugang ni
Marquez. “The knockout punch carried the strength of my family, the strength of my entire training, and the strength of my Mexican fans.”
Gipasabot ni Marquez nga pasensyado siyang naghuwat nga makapasulod
ang iyang pang- knockout nga tuo nga counter-punch. “When Pacquiao feints, he leans forward. I kept waiting for that feint so
I could land that counter-punch, and that’s how I ended it,” asoy ni Marquez, kinsa hangtod karon daw giduyan gihapon sa panganod sa kalampusan tungod sa maong kadaugan.
Ang Pambansang Kamao sa Pilipinas nagtinguha nga makig-away og balik kang Marquez sa ikalimang higayon apan mibalibad si Marquez ug nagkanayon nga iya nang natuldokan ang ilang panagribal. Mas gipiling kontrahon ni Marquez ang laing nagpilde (kontrobersyal nga
split decision) kang Pacquiao nga si American Timothy Bradley. Gikatakda karong Oktubre 12 ang panag-away nila ni Marquez ug Bradley. Aduna sa’y umaabot nga away si Pacquiao diin iyang kontrahon si MexicanAmerican Brandon Rios karong Nobiyembre 24 sa Macau, China.