PRESIDENTE SA UNION SA TOLEDO MI-SURVIVE SA `AMBUSH’

UMAABOT nga union president sa minahan sa dakbayan sa Toledo nakalingkawas sa giingong ambush kagahapon sa mga alas 2:15 sa hapon sa Sityo Aggis, Brgy. Poblacion, Liloan, Sugbo.

Ang biktima giilang mao si William Ligutan, 53, minyo, incoming president sa Carmen Copper Labor Union.

Uban kaniya sa hitabo ang iyang 24-anyos nga anak ng asi Mark Christian, paryente nga si Rey Ligutan ug Rolito Bensing, 48, ilang silingan.

Si PO3 Ernesto Pepito, desk officer sa Compostela Police nga nahinabi sa dySS Super Radyo ug Sun.

Star Superbalita nagkanayon nga si Ligutan sakay sa iyahang Pajero nga itom.

Ang mga biktima gikan sa ilang balay sa Brgy. Cambayog, Compostela padulong sa dakbayan sa Sugbo.

Sa pag-abot sa nahisgutang lugar, kalit nga nisugat nila ang usa ka XRM nga motorsiklo nga wa makuha ang kolor ug plate number.

Ang angkas nga nagkawo kalit nga namusil kanila ginamit ang kalibre .45 nga pistola.

Way naigo kanila ka yang mga bala niigo sa windshield sa passenger side, tapaludo ug purtahan sa driver’s side.

Human sa pagpamusil, ang mga gunman ningsibat paingon sa dakbayan sa Danao ug wa na maabti sa ningresponding mga pulis.

Ang biktima nagdumili sa pagluwat og mga pamahayag kon unsay motibo.

Siya nibutyag nga siya ka incoming nga presidente sa ilang union diin dunay nag-ong-ong nga order sa korte alang sa hingpit niyang paglingkod.