Mga pagkaon nga makausab sa mood

AVOCADO

ANG avocado usa sa mga pagkaon nga makapaalerto nimo. Kini adunay natural nga taas sa amino acid ug tyrosine nga gikinahanglan sa utok aron makagama og alertness-boosting neurotransmitters noreponephrine ug dopamine.

CHOCOLATE O TSOKOLATE

Makabati og kalipay kon kinsa man ang mokaon sa chocolate o tsokolate. Usa ka pagtuon nga gimantala sa Journal of Psychopharmacology nakasuta nga ang mga mokaon og tsokolate makalipay ug makapakalma sa tawo.

BROWN RICE

Ang brown rice ang perpekto nga pagkaon alang sa mga tawo nga regular nga naghiagom sa mood swings o pagbag-o sa buot. Ang brown rice taas sa soluble fibre. Ang fibre makapahinay sa pagsuyop sa sugar sa bloodstream nga makapakunhod sa mood swings.

SUGAR O ASUKAR

Ang asukar ang usa sa mga isagol sa kape ug uban pang mga ilimnon ug pagkaon nga nagkinahanglan og pampatam-is. Apan ang asukar sab usa sa mga hinungdan nga masuko o maglagot ang tawo. Sama sab sa fibre nga makapakalma sa imong blood sugar ug aduna sab kiniy katugbang nga epekto.

MGA KAGUMKOM NGA PAGKAON

Ang mga pagkaon nga kagumkom usa sab sa mga rason nga makapasamot sa pagka-depress sa tawo. Ang pagmeryenda og mga kagumkom nga pagkaon adunay dala nga kadaot sa lawas ug napamatud-an kini sa mga scientist nga makapadaot sa mood. Sumala sab sa paniksik sa Spain sa PLoS One nga ang mga pagkaon nga kagumkom nga puno sa trans fat ug saturated fats makapadungag og 48 nga porsyento ug risgo sa pag sagubang sa depression. Nakita sab sa pagtuon nga bisan 0.6 nga porsiyento sa diet gikan sab sa trans fat maka-depress gihapon. Kini tungod sab sa inflammatory effects sa trans fat ug saturated fats nga makapahunong sa neurotransmitters sa utok nga mohimo sa serotonin.