Panagtabla siakon karon

Duwa karon: (Araneta Coliseum)

(Semis: Game 5)

3:30 p.m. - Ginebra

vs. San Mig Coffee

SIAKON sa Barangay Ginebra Kings ug San Mig Coffee Super Mixers ang ilang panagtabla karong gabii sa Game 5 sa ilang best-of-seven semifinals series sa 39th PBA Philippine Cup sa Araneta Coliseum.

Mosulod sa korte ang duha ka koponan nga walay inilog ug wa usay biya gumikan sa ilang panagtabla sa series, 2-2, human sa upat nilang kulbahinam nga panagengkuwentro.

Ang Kings gipaabot nga abibahan sa kinabag-ang dumadapig sulod sa arena. Ang duwa sugdan sa alas 3:30 sa gabii.

Sa Game 1 niadtong Enero 28, ang San Mig munasaginhawang mikulit og 85-83 nga kadaugan apan nabawsan kini sa Game 2, 93-64, sa Jan 31. Sa Game 3, mikulit og 9789 nga daog ang Coffee Mixers ug sa Game 4 niadtong Pebrero 5 ang Kings na usab ang nakaipsot, 85-83, aron pagtabla sa serya.

Ang mga coach sa matag habig nga sila si Ato Agustin sa Ginebra ug Tim Cone sa San Mig ang gituohan nga mohimo og mga adjustments ning krusyal nilang panagsangka karong gabii nga mao na unyay maghatag og bintaha.

Ang modaog sa maong panagengkuwentro nagkinahanglan na lang og laing usa nga kadaugan sa nahabiling duha ka duwa aron makasulod sa finals.

Si Japeth Aguilar, 6-9, nanganti nga iyang hatagan og pagtutok ang depensa aron pagpakgang sa run-and-gun nga style sa Mixers.

“I’m not after scoring for 20 points. Even less is okay for me. What is important is to win the semifinal series and make it to the Finals. I want Ginebra to win the championship trophy,” matod ni Aguilar, kinsa nagsunod ni June Mar Fajardo sa Petron alang sa “Best Player of the Conference” honor.

Ang pambato sa San Miguel nga si Marc Pingres, sa iyang bahin, nga nabalda gyud kaayo sa sayo niyang pagka foul trouble diin nakakomiter na kini og tulo ka foul sa first quarter pa lang.

“My early foul trouble was a big factor and also for James (Yap). He told me it’s hard to win with this kind of calls. And I told him that we have to make adjustments no matter how difficult the situation is,” nagkanayon si Pingres.