CVIRAA Mga biktima sa katalagman andam na
BISAN pa man sa mga katalagman nga ilang nasinati, andam gihapon ang mga atleta gikan sa Bohol ug Bogo sa Central Visayas Regional Athletic Association (CVIRAA) nga magsugod ugmang adlawa diha sa Cebu City Sports Commission (CCSC).
Si Alberto Mangaran, ang representante sa mga tumatambong gikan sa Bohol ug Chief Recorder sa CVIRAA, misaysay nga nahitabo ang provincial meet sa mga atleta sa Bohol sulod lang sa usa ka adlaw apan aron masiguro ang ilang kaandam mipahigayon sila og subsob training.
“Inorder for us to produce desirable athletes for this CVIRAA, we conducted training of athletes for more than 1 week now and even we got a very devastating effect on us, we’re still able to send the more than 700 delegate for this CVIRAA,” sigon ni Mangaran.
Mitug-an siya nga nakahunahuna siya nga dili nalang moapil ang Bohol sa CVIRAA tungod sa katalagmang nahitabo sa ilang lugar apan tungod sa mga pag-awhag sa ilang mayor ug gobernador, mibalik ang ilang kadasig nga moapil sa maong kalihokan.
“Before this I had in mind na we would not participate the CVIRAA but because of the different encouragement of our mayor and governors na it would be a note worthy absence kon wala ta, we just said to set the whole delegation with high hopes of bringing home the bacon,” dugang pa ni Mangaran.
Si DepEd District Coordinator sa dajbayan sa Bogo nga si Norma Lepiten, sa iyang bahin, mitug-an nga naglaom gihapon sila nga magmalampuson ang ilang mga delagado.
Samtang gikompermar usab ni Mrs. Zenaida Gocotano, Division Sports Coordinator nga ang tanan nga magdudula sa CVIRAA nagsugod pagpangabot sa Sugbo ug gipahimutang kini sa 19 ka nagkalain-laing publikong eskwelahan mao ang ilang kasamtangag sak-an samtang nagpadayon ang kompetisyon.