Jude Gitamondoc sa Super Ka!

Bisaya baya ni, bay!

Laing Bisaya ang mosuway og bangga sa mga higanteng musikero sa Manila atol sa grand finals sa ABS-CBN’s Himig Handog P-Pop Love Songs 2014, ang kinadak-ang OPM Songwriting contest sa nasud nga ipahigayon karong Dominggo, Sept. 28 sa Araneta Coliseum. Ang pambato sa Sugbo nga si Jude Gitamondoc ang nitagik sa “If You Don’t Want To Fall” nga kantahon sa lig-on sad kaayong si Jed Madela. Ang mosunod mao ang atong one-on-one sa world-class ug multi-awarded songwriter, musical director ug arranger. Jude Thaddeus Gitamondoc, Super Ka!

What inspired you to join Himig Handog? Kaduha na ni nimo no?

Oo, kaduha na ni. First time was last year with “This Song is For You” interpreted by Erik Santos. Sige na ko’g submit sa Himig Handog, sukad pa atong pinaka-una, katong “Para sa Bayaning Pilipino”. Last year was actually my fifth attempt. Mao to ako first time na-finalist. Mura man gud og landmark for any Filipino songwriter’s career nga makasud sa Himig Handog, mao nga wa gyud ko mohunong sa pagsalmot.

Kinsay nipili ni Jed Madela nga maoy mokanta sa imong entry?

Suggestion to ni Jonathan Manalo, ang producer sa album. And of course, kay no less than Jed Madela man, wa ko nagduhaduha sa pag-uyon. Di na man ni kinahanglan ni Jed. He’s already decidedly among the nation’s and the world’s best vocalists. Mao nang dako nakong garbo nga nisugot siya sa pag-interpret sa akong kanta.

Mao gyud nay policy nga mga sikat ang mokanta?

Yes. Of course kay project man ni sa ABS-CBN, priority ang ilang roster of talents.

Nagkita or nag-communicate na mo ni Jed about sa imong kanta?

Wala ra man. Magka-estoryahanay mi panagsa sa Facebook. But regarding sa recording, akong gitugyan ang pag-produce kang Jonathan Manalo. Although iya sad gibasehan ang akong demo nga akong gisubmit, so dili layo ang interpretation ni Jed sa akong original ideas. Ila gihapon gigamit ang original instrumental arrangement ni Jad Bantug, kinsa para nako maoy pinakamaayo nga arranger sa Visayas ug Mindanao.

Unsay preparation ninyo for the finals?

Sige na silag promote sa mga kanta. Na toy kausa nga daghan ning-text nako kay na-mention daw ni Kris Aquino ang akong pangan sa iyang show. Nakatambong na sad ko sa rehearsal sa ABS-CBN Philharmonic Orchestra nga gipangulohan ni Maestro Gerard Salonga. Nindot kaayo ang areglo. Excited na ko para sa umaabot nga Finals Night.

Kanus-a ka molarga sa Manila?

Nagbalikbalik na ko sa Manila para sa orchestral rehearsals. Timing ra sad kay naa sad koy lain tuyo sa Manila, so okay ra. Nope, kami bahala sa amo transpo and food.

Unsay deal ana kon modaug ka for example sa grand prize, pila ang mapunta sa singer ug pila imoha?

Ang ABS-CBN ang bahala sa bayad sa mga interpreters. Since it is a songwriting contest, the prizes go to the songwriters. Except siguro sa Best Interpreter Award.

Please mention some of the songs that you wrote before for Manila artists.

Ako’y ni-composed sa “Imposible” ni KC Concepcion, “Kakayanin Ko Ba” ni Ariel Rivera, “One More Chance” ni Piolo Pascual (song title sa movie nila John Lloyd Cruz ug Bea Alonzo), “We Will Rise Again” ni Raki Vega, “However Much Love” ni Nina, ug “Da Facebook Song” sa bandang Tanya Markova, ug uban pa. Nakarecord na sad sila Regine Velasquez, Christian Bautista, Juris, Rachel Alejandro, etc, sa akong mga kanta.

Unsay imong first composition nga nakanta by a Manila artist?

Ang first break nako katong 2006 album ni Gary V nga Relevance, kon diin gi-record niya ang lima sa akong mga kanta. Duha ani ang first single nga “Wait Forever” ug ang “In Another Lifetime” nga maoy theme song sa pelikulang “Eternity” nga nakapadaug nako sa akong first Awit Award for Best Ballad.

Unsay imong pinaka-signature hits?

Wala man koy major hits. Siguro ang pinakasikat sa akong songs mao ang “Wait Forever” ug “Imposible”. Pero kon signature song, ang pinaka ganahan nako ang “Usa Ka Libo Ug Usa Ka Panamilit” nga gi-record ni Cattski Espina. I want to be remembered for that song.

Mag-compose kag kanta unsay imong unahon?

Kadtong nagsugod pa ko, mag-una gyud ang tono. However, sa sige na nako’g suwat-suwat, nabantayan nako nga mas haom ang music ug lyrics kon imong dunganon og himo. Importante sa kanta ang “marriage” between the music and lyrics, more than the beauty of the melody alone or the words alone.

Share some tips on how to write a beautiful love song.

Dapat naay unique quality ang usa ka kanta. Dapat naay extraordinary sentiment or insight nga posible pang wala pa ma-express in that particular manner. For example ang “This Song is For You”, unique siya kay giingon sa kanta, “Bisag wala ko nimo higugmaa, kining kanta para gihapon kanimo.” Or ang “If You Don’t Want To Fall” niingon nga “Bisag buhaton pa nako ang tanan, kon wa gyud ka mahigugma nako, wala na ko’y mahimo apan sa paghunong ug pagbiya.”

Do you have formal lessons in music?

Nakaagi ko’g one year sa UP College of Music, diin nag-major ko og Composition. Apan wala ni nako mahuman. Ni-undergo sad ko’g songwriting workshops nga gi-organize sa Katha.

Asa ka mokuha og inspirasyon sa imong mga kanta?

Life always inspires art. Kon observant lang ka sa imong palibot ug aware sa panghitabo sa imong kinabuhi, di gyud ka mahudtan og inspirasyon. Most of the time, ang nindot nga concept mao ang akong inspirasyon, kanang makahunahuna ko’g sentiment or insight nga wala pa ma-express in song, kana mao ang pinakakusgan nga inspiration para nako.

How do you describe yourself as a person?

Simple. Ang songwriting di man gyud makapadato, so simple ra gyud ang lifestyle nga akong ma-afford. Which is also healthy in the process. Mas daghan ko’g time for introspection and rumination.

Kinsay nakapa-inspire nimo sa pag-compose sa “If you don’t want to fall?”

Ako ning nasuwat way back 2007. Bata pa kaayo ko’g pangisip ato. Abi nako kon mapakita lang nako nga “worthy” or “deserving” ko sa pagbati sa akong hinigugma, higugmaon ra sad ko niya’g balik. But in reality, di gyud ni pirmi mahitabo. So na heartbroken ko atong higayona. Dayon nakakita ko sa movie nga “Stardust” diin naay

Are you in a relationship?

giingon didto: “Is this love… My heart… It feels like… it’s trying to escape because it doesn’t belong to me anymore. It belongs to you.” Na-realize nako nga di mao akong panghunahuna bahin sa gugma. Ug tungod adto nasuwat nako ang kanta.

I am single and happily so.

What other projects are you into?

I oversee song production and musical direction of VisPop. Production manager ug musical director sad ko sa You’ve Been Facebooked, The Musical. I am also musical director of Siddhartha, The Musical, which is heading for China next year. I am currently overseeing the production of Mandaue Children’s Choir’s upcoming Christmas album. I also produce jingles and give songwriting workshops every now and then.

So far what do you consider your biggest accomplishment/s?

Pinakadako nako nga contribution sa music scene kay ang VisPop. Dugay ko na gyud nang pangandoy nga ma-angat ang music production sa mga Bisaya nga kanta. Nagpasalamat ko’g dako sa Artist Ko sa ilang paginvest ug pagsalig sa concept sa maong project. Karon makaingon na gyud ta nga ang Bisaya dili gyud bakya, dili gyud baduy, ug kini tungod sa VisPop.

Kinsay musical influences nimo?

Ang biggest influences nako silang David Foster, Michael W. Smith ug Diane Warren. Sa OPM, sila Jose Mari Chan, Louie Ocampo, Trina Belamide, Gary Granada and of course, si Mr. C. (Ryan Cayabyab).

Duna sad kay frustrations as a musician?

Dili kaayo ko mu-dwell sa frustration. One of my early frustrations is wala kaayo’y opportunities as a songwriter diri sa Cebu. Apan hinay-hinay nga nawala nana nga excuse karon. Ato nang napangitaan og paagi. The mere fact nga radio stations nationwide motukar na’g Bisaya is already a hopeful step towards that goal. Gitrabaho sad nako ron og hinayhinay ang akong personal nga all-Bisaya album ug ang upcoming Bisrock jukebox musical nga “Gugmang Gi-atay”. I translate my frustrations into dreams. That way, pro-active ko pirmi.

Di ba naa may texters/people’s choice award sa Himig Handog? Pls tell our readers on how to vote?

Yes! Please vote for my song If You Don’t Want To Fall by texting MORHHSONG8 to 2331 (Globe/Sun) or 231 (Smart). Daghan kaayong salamat! Bisaya baya ni, bay!