MAGPALE GIHULAGWAY NI SONNY NGA ‘ANINIPOT’

NIKISI-KISI si Vice-Governor Agnes Magpale sa paghulagway ni Toledo City Mayor Sonny Osmeña kaniya nga daw sama sa usa ka aninipot nga bisan asa lang maabot.

Kini human mabantayi ni Osmeña nga bisan asang barangay sa Sugbo maabot si Magpale, nga iyang gidudahang nangampaniya na alang sa posibleng pagdagan pagka-gobernador sa 2016.

Aminado si Magpale nga wala ug tuo ang iyang schedule alang sa pagduaw sa kabarangayan sa probinsiya apan matod pa dili kini alang sa kampanya.

Sigun sa opisyal, subsub ang gihimo nga mga medical mission sa Kapitolyo sa nagkadaiyang lugar sa lalawigan, subay sa ilang kampanya alang sa pagpalambo sa kahimtang sa panlawas sa mga Sugbuanon.

Sukad sa miaging tuig, 60 na ka mga medical mission ang napahigayon sa provincial government ug gawas niini motabang sab ang opisina ni Magpale sa skills training sa kababayenan ug uban pang kalihukan sa kabarangayan.

Atol sa usa ka kalihukan sa dakbayan sa Toledo nga parehong gitambungan nilang Magpale ug Osmeña, gipadayag sa mayor atubangan sa daghang tawo nga nangampaniya na ang bise gobernador alang sa pagka- hinungdan nga kini motambong gyud sa bisan unsang kalihukan.

Giawhag ni Magpale si Osmeña nga dili hatagan ug bulok-politika ang iyang mga gihimo nga pagduaw sa kabarangayan.

Gani gipadayag sab sa opisyal nga nananghid na siya sa partido nga mo-retiro na sa politika apan giingong wa pay aksiyon niini ang ilang grupo. Iyang giklaro, wa siyay plano pagpapili pagka-gobernador.