Kapulisan gialerto tungod sa tulis

GIMANDOAN karon sa Police Regional Officeang tanang intelligence unit nunot sa nahitabong pagpanulis sa usa ka pawnshop sa Koronadal South Cotabato nga gituohang mga notado ug bigtime robbery group.

Sa kuha sa CCTV footage gisulod sa di momenos upat ka mga armadong tulisan ang usa ka pawnshop ug dayong pamusil nga miresulta sa kamatayon sa gwardya niini.

Gisunod gilayon ang pagkuha sa mga alahas ug pipila lang ka gutlo ang milabay malampuson nga nakuha sa mga tulisan ang mga mahalong alahas.

Tungod sa maong hitabo gipa-alerto dayon sa Cebu City Police Office ang ilang intelligence unit aron mamonitor ang lihok sa mga notadong tulisan nga nagbase sa Mindanao lakip na ang pagbantay sa posibling mga local contact niini dinhi.

Si Supt. Romeo Santander miignon nga una nang nakadawat silag kasayuran nga nanglakaw ang mga notadong tulisan sa Mindanao sa wa pa mahitabo ang pagpanulis sa Cotabato.

Gipahibawo hinuon ni Sr. Supt. Noli Romana nga ila nang gipangandaman ang posibling pag abot dinhi sa Sugbo sa mga tulisan pinaagi pag deploy sa daghang police sa kadalanan.

Gani karong sunod semana ang PRO-7 modownload na ug dul-an usa ka gatos ka mga police nga maoy idugang sa beat patrol.

Hugot usab ang ilang pakig-alayon sa publiko aron motaho gilayon sa kapulisan kung dunay mamatikdan nga dautang elemento sa ilang lugar.