ATM nanghatag og libre nga kwarta
USA ka high street cash machine nanghatag og libreng kwarta sa kantidad nga £10,000 sa mga di kadudahang mga miyembro sa komunidad.
Ang mystery machine anaa sa Tooting, London niadtong Miyerkules sa milabayng semana diin nagsugod kinig panghatag sa libreng kwarta.
Mikatap ang estorya human pipila sa mga tawo ang ni-tweet kabahin sa libreng kwarta nga ilang nadawat hinungdan sa pagdagsa sa uban aron makakuha sa libreng salapi.
Ang makinayo di manga sa PIN number o kaha detalye gikan sa mga card sa customers apan gawas niining onscreen process managsama kini sa tinud-anay nga cash machines.
Si Hugo Ellis ug ang iyang uyab nga si Celeste Powell, pulos mga tinunan sa Goldsmiths University, nakadawat og £500 gikan sa makina matod sa Daily Mail.
“We were just in MacDonald’s having a cup of tea, and then on the walk home we stopped at the Super Rich ATM machine to get some cash,” matod ni Ellis. “We’ve just moved to London as students and we definitely weren’t expecting anything like this to happen, my girlfriend nearly cried!”
Nitumaw nga ang “Super Rich Cash Machine” usa ka PR stunt alang usa ka online bookies.
Ang Betfair nitaod sa makina aron pagselebrar sa iyang bag-ong feature nga Price Rush, nga usa ka anagram sa ‘Super Rich’.
Ang Price Rush nihatag sa mga kustomer og purohan sa ilang pagpusta sa Sportsbook ug pagsusi kon adunay mas dakong makuha sa Exchange anang tungora.
“The odds on getting more money than you expected at a cash machine are pretty slim but yesterday our Super Rich Cash Machines Price Rushed transactions, giving some users much more money than they requested,” matod ni Brand Product Manager Andy Holmes.