Babaye nagpataod og ikatulong dughan
USA ka batan-ong babaye nga gusting mosikat nigasto og £12,000 alang sa surgery aron madugangan og ikatulo ang anaa sa iyang dughan.
Si Jasmine Tridevil, 21, nagtigom sud sa duha ka tuig una siya nangita og “plastic surgeon” nga andam nga mohimo sa operasyon.
Nitug-an siya sa usa ka lokal nga estasyon sa radio nga mosobra sa 50 ka mga doktor ang wa mosugot sa iyang gusto una ning usa ka doktor, kinsa wa niya hinganli, nga nisugot.
Kining ikatulong bahin sa iyang dughan hinimo kini sa silicone implant ug panit nga gikan sa iyang tiyan.
“It was really hard finding someone that would do it, too, because they’re breaking the code of ethic. I called like 50 or 60 doctors - nobody wanted to do it,” saysay ni Tridevil.
Si Tridevil, kinsa gikan sa Tampa Bay, Florida, namahayag nga ang iyang peke nga dughan sama ra sa iyang laing duha ka dughan apan ang atngal sa ikatulo gi-tattoo lang.
Iyang intensiyon nga mahimo siyang usa ka sikat sa iyang kaugalingon nga TV show.
“My whole dream is to get this show on MTV. I’m dumping every penny I have into this. If this doesn’t work, I’m through,” matod ni Tridevil.
Kanunay siyang mobutang og hulagway ug video ning iyang lahi nga sitwasyon karon sa Facebook ug YouTube.
Niangkon siya nga wa mahimuot ang iyang mga ginikanan sa resulta ug nihunong na sa pagtagad kaniya.
Kining iyang sitwasyon karon daw susama sa usa ka esena sa salida nga Total Recall nga gibituonan Arnold Schwarzenegger niadtong 1990.